हिंदुस्थानी स्वयंपाकघरात केवळ पदार्थ शिजत नाहीत, तर इथे आरोग्याचे अनेक नुस्खे देखील सापडतात. आपल्या आपल्या स्वयंपाकघरातील अनेक गरम मसाले हे आरोग्यासाठी वरदान मानले गेले आहेत. पण आपण वापरत असलेल्या अनेक मसाल्यांचा नेमका उपयोग काय हेच आपल्याला माहीत नसते. पूर्वीच्या काळी गरम मसाल्यांचा उपयोग हा औषधांसाठी सहजपणे केला जायचा. असाच मसाल्यातील एक महत्त्वाचा मसाला म्हणजे, वेलची. आपल्या स्वयंपाकघरात तुम्हाला वेलची सहज मिळेल. छोटी वेलची तुम्हाला अनेक आजारांपासून दूर ठेवते. रक्तदाब संतुलित ठेवण्यासाठी हृदयविकाराचा धोका कमी करण्यासाठी देखील वेलची खूप फायदेशीर आहे.
वेलचीचे आपल्या आरोग्यासाठी फायदे
वेलचीमध्ये कार्बोहायड्रेट्स, आहारातील फायबर, कॅल्शियम, पोटॅशियम, मॅग्नेशियम, लोह आणि फॉस्फरस सारखी खनिजे असतात. अशा परिस्थितीत उच्च रक्तदाब असलेल्यांनी त्यांचा आहारात समावेश करणे आवश्यक आहे.
वेलचीमध्ये असलेले कॅल्शियम, फॉस्फरस आणि पोटॅशियम यांसारखी खनिजे रक्तदाब नियंत्रित करण्यात मोठी भूमिका बजावतात. चयापचय गतिमान करण्यासाठी वेलचीचे सेवन देखील खूप फायदेशीर आहे.
रोगप्रतिकार शक्ती मजबूत करण्यासाठी, आपण आपल्या आहारात वेलचीचा समावेश केला पाहिजे. वेलची खाल्ल्याने हृदयविकाराचा धोका कमी होतो. म्हणजेच ते खाल्ल्याने तुमच्या शरीरात कोलेस्ट्रॉल नियंत्रणात राहते.
ज्या लोकांना वेळेवर झोप येत नाही किंवा झोप कमी होण्याची समस्या आहे त्यांनी वेलचीचे सेवन जरूर करावे.
वेलची माऊथ फ्रेशनर म्हणून काम करते. आपण वेलची थेट चावून खाऊ शकतो. याशिवाय आपण चहामध्ये वेलचीचे सेवन करू शकतो.
(कोणतेही उपाय करताना तज्ज्ञांचा सल्ला अवश्य घ्यावा.)
About The Author
Comment List