शुभांशू शुक्लाचा अंतराळ प्रवास पुन्हा लांबणीवर, ऑक्सिओम-4 मिशन पाचव्यांदा रखडले

आंतरराष्ट्रीय अंतराळ स्थानकासाठी प्रक्षेपित होणारे ऑक्सिओम-4 मिशन पुन्हा एकदा लांबणीवर पडले आहे. हे मिशन सलग पाचव्यांदा पुढे ढकलण्यात आले आहे. 22 जून 2025 ला फ्लोरिडा येथील केनेडी स्पेस सेंटरमधून स्पेसएक्सच्या फाल्कन-9 रॉकेटचे प्रक्षेपण करण्यात येणार होते, परंतु दोन दिवसआधीच तारीख पुढे ढकलण्यात आले आहे. 8 जून, 10 जून, 11 जून, 19 जून आणि 22 जून 2025 सलग पाच वेळा हे मिशन पुढे ढकलण्यात आले आहे.

हिंदुस्थानचे अंतराळवीर शुभांशू शुक्ला यांच्यासह चार अंतराळवीर आंतरराष्ट्रीय अंतराळवर जाणार आहेत, परंतु शुभांशू शुक्ला यांच्या अंतराळ प्रवासाला मुहूर्त मिळेना झाला असून त्यांचा अंतराळातील प्रवास आणखी लांबणीवर पडला आहे. शुभांशू हे आयएसएसमध्ये जाणारे पहिले भारतीय आणि अंतराळात जाणारे दुसरे भारतीय असतील. याआधी राकेश शर्मा यांनी 1984 मध्ये सोव्हिएत युनियनच्या अंतराळयानातून अंतराळ प्रवास केला होता.

मुहूर्त मिळेना

सर्वात आधी 29 मे रोजी ड्रग अंतराळवीरांना घेऊन जाणार होते, परंतु ड्रगन अंतराळयानाची तयारी नसल्याने प्रक्षेपण पुढे ढकलण्यात आले. त्यानंतर 8 जून रोजी तारीख देण्यात आली, परंतु खराब हवामान असल्याने ऑक्सिओम-4 मिशन पुन्हा एकदा लांबणीवर पडले. नंतर 10 जून तारीख देण्यात आली, परंतु 10 जूनलाही खराब हवामान आहे, असे सांगत हे मिशन तिसऱ्यांदा पुढे ढकलण्याची वेळ आली. 11 जूनला हवामान व्यवस्थित होते, परंतु तपासणीवेळी ऑक्सिजन गळती आढळल्याने हे मिशन पुढे ढकलण्याची वेळ आली. 19 जून आणि 22 जून अशी सलग दोन वेळची तारीख पुढे ढकलली.