प्रेमात बाप झाला वेडा! स्वत:च्या अल्पवयीन मुलाला अडकवलं लग्नाच्या बेडीत, पितळ उघडं पडताच झाला पसार

सासू होणाऱ्या जावयासोबत पळून गेल्याची घटना तुमच्या लक्षात असेलच. गेल्या काही महिन्यांमध्ये अशा काही विचित्र घटना घडल्या आहेत. त्यामुळे लोकांचा प्रेम आणि लग्न यावरचा विश्वास उडत चालला आहे. असाच प्रकार आता उत्तर प्रदेशात घडला आहे. मुलीच्या प्रेमात आंधळा झालेल्या एक व्यक्तीने कोणाला कळू नये म्हणून त्या मुलीसोबत स्वत:च्या अल्पवयीन मुलाच लग्न ठरवलं होतं. मात्र पितळ उघड पडताच तो प्रेयसीला घेऊन फरार झाला आहे.

उत्तर प्रदेशातील रामपूरच्या भन्साळी गावातील शकील याचे एक 18 वर्षीय मुलीसोबत प्रेमसंबंध होते. कुटुंबीयांना याची भनक लागू नये म्हणून त्याने स्वत:च्याच 15 वर्षांच्या मुलाच प्रेयसीसोबत लग्न ठरवलं. मुलासह कुटुंबीयांनी विरोध केला, परंतु तो ऐकला नाही. त्याने पत्नीसह मुलालाही मारहाण केली. कुटुंबीयांच्या विरोधाला ठेंगा दाखवत त्याने जबरदस्ती मुलाच लग्न प्रेयसीसोबत ठरवलं. लग्न ठरवल्यानंतर तो तिच्यासोबत तासन्तास बोलू लागला. त्यामुळे मुलाला आणि त्याच्या आईला संशय आला. त्यानंतर मुलाने बापाच्या प्रेमाचा छडा लावला आणि सगळ्यांनाच धक्का बसला. विशेष म्हणजे याची कल्पना शकीलच्या आई-वडिलांना होती. या काळात मुलाने आणि त्याच्या आईने शकीलविरोधात सर्व पुरावे जमा केले. परंतु पितळ उघडं पडताच शकील प्रेयसीला घेऊन फरार झाला.