Israel-Iran War – इराणच्या अणुकार्यक्रमाबाबत तुलसी गॅबार्ड आणि गुप्तचर यंत्रणा चुकली; ट्रम्प यांची मोठी माहिती

इस्रायल-इराण युद्धाची तीव्रता आता वाढत आहे. त्यातच अमेरिकेचे अध्यक्ष डोनाल्ड ट्रम्प यांनी या युद्धात थेट हस्तक्षेप करण्याबाबतचा निर्णय दोन आठवडे पुढे ढकलला आहे. त्यामुळे जागतिक चिंता वाढली आहे. आता ट्रप यांनी मोठा दावा करत इराणच्या अणुकार्यक्रमाबाबत राष्ट्रीय गुप्तचर संचालक तुलसी गॅबार्ड यांची माहिती चुकीची होती. तसेच याबाबत आपली गुप्तचर यंत्रणाही चुकली, असे विधान ट्रम्प यांनी केल्याने पुन्हा एकदा खळबळ उडाली आहे.

अमेरिकेचे अध्यक्ष डोनाल्ड ट्रम्प यांनी शुक्रवारी इराणच्या अणुकार्यक्रमावरील गुप्तचर मूल्यांकन नाकारले. तसेच राष्ट्रीय गुप्तचर संचालक तुलसी गॅबार्ड चुकीच्या होत्या आणि आपली गप्तचर यंत्रणाही चुकल्याचे सांगितले. न्यू जर्सीमध्ये पत्रकारांशी बोलताना ट्रम्प म्हणाले, आपल्या गुप्तचर यंत्रणची माहिती आणि निष्कर्ष चुकीचा होता. तसेच याबाबत गॅबार्ड यांचीही तूक झाल्याचे त्यांनी सांगितले. दोन्ही देशांमध्ये युद्ध तीव्र होत असतानाच ट्रम्प यांनी हे विधान केले आहे.

मार्चच्या सुरुवातीला गॅबार्ड यांनी सांगितले होते की, अमेरिकन गुप्तचर संस्थांना वाटते की इराणने अण्वस्त्रे बनवण्याचा निर्णय घेतला नाही. त्यांची ही माहिती चुकीची होती. यावेळी ट्रम्प यांनी इराणच्या अणुऊर्जेच्या दाव्यांवरही टीका केली. ते म्हणाले की इराणकडे जगातील सर्वात मोठा तेलसाठा असताना त्यांनी नागरी वापरा आणि विकासासाठी अणुऊर्जेची आवश्यकता का आहे? त्यामुळे या दाव्यात तथ्य नसल्याचेही ते म्हणाले.

अमेरिकेला आगामी बैठकीपूर्वी नाटोच्या प्रस्तावित संरक्षण खर्चाचे लक्ष्य पूर्ण करण्याची गरज नाही. नाटो सदस्यांनी प्रत्येक देशाने त्याच्या जीडीपीच्या 5% संरक्षणावर खर्च करण्याच्या प्रतिज्ञावर चर्चा करणे अपेक्षित आहे. आम्ही इतके दिवस नाटोला पाठिंबा देत आहोत. मात्र, काही देश अत्यल्प संरक्षण खर्च देत असल्याची टीका त्यांनी केली आहे.