Weight Loss Recipe – लहानांसह मोठ्यांना आवडेल असा सकस नाचणीचा उपमा, वजन कमी करण्यासाठी सर्वात उपयुक्त

आपल्या आहारात नाचणी हे धान्य खूप महत्त्वाचं मानलं जातं. नाचणीच्या समावेशामुळे आपली हाडे मजबूत होतात. तसेच नाचणीमध्ये असलेल्या फायबरमुळे निरोगी राहण्यासाठी खूप गरजेचे मानले जाते. लहानांसह मोठ्यांपर्यंत सर्वांसाठी नाचणी ही सर्वोत्तम मानली जाते. नाचणीमुळे अॅनिमियासारखे आजार हे दूर राहण्यास मदत मिळते. तसेच नाचणीमुळे ग्लायसेमिक इंडेक्समध्येही मोठ्या प्रमाणात कमी होतो.

नाचणीच्या सेवनाने शरीर निरोगी आणि सुदृढ ठेवण्यास मदत होते. तसेच शरीरातील रक्तवाढीस मदत होते, आणि मेंदूचा विकासही चांगला होतो. शिवाय त्वचा तुकतुकीत ठेवण्यासही नाचणी बहुमोली ठरते.

नाचणीचा उपमा हा एक पौष्टिक पदार्थ आहे. मुलांच्या डब्याला द्यायला ही उत्तम रेसिपी आहे. तसेच वजन कमी करणाऱ्यांसाठी सुद्धा नाचणी उपमा हा एक उत्कृष्ट पर्याय मानला जातो. बहुगुणी नाचणीसोबत मूग, मेथी, गाजर अशा पौष्टिक घटकांपासून बनवलेला हा उपमा ही मुलांच्या डब्यासाठी एक चविष्ट आणि सोपी अशी रेसिपी आहे.

नाचणी उपमा

साहित्य :
एक वाटी नाचणी
मेथीचे दाणे
मोड आलेले मूग
किसलेले गाजर
बारीक चिरलेला 1 टोमॅटो
आले-लसूण पेस्ट 1 चमचा
मीठ पाऊण चमचा
हिंग
मोहरी
तेल 2 चमचे
जिरे
हळद
कढीपत्ता
कोथिंबीर
लिंबाचा रस

कृती :

सर्वप्रथम नाचणी किमान रात्रभर भिजवून ठेवावी. नाचणी पाण्यातून काढून नंतर थोडीशी वाफवून घ्यावी.

तेल गरम करुन नंतर त्यात फोडणी करून कढीपत्ता घालावा. त्यानंतर आले-लसूण पेस्ट घालावी.

नंतर त्यामध्ये किसलेला गाजर, चिरलेला टोमॅटो, मूग आणि मेथीदाणे घालून हे सर्व एकत्रित पाच मिनिटे शिजू द्यावे.

पुरेशी वाफ आल्यानंतर या मिश्रणात भिजवलेली नाचणी घालावी.

त्यावर मीठ आणि लिंबूरस घालून ते एकदा एकत्रित हलवून घ्यावे.

पुन्हा दोन मिनिटे त्यावर झाकण ठेऊन वाफ येऊ द्यावी.

गरम गरम उपम्यावर कोथिंबीर आणि शेव घालून तो सर्व्ह करावा.