बार्शीत भाजपच्या माजी आमदाराच्या मुलाची दादागिरी; माना मुरगाळण्याची धमकी!

भाजप महायुतीच्या पदाधिकाऱ्यांची गुंडगिरी दिवसेंदिवस वाढत आहे. बार्शीत भाजपचे माजी आमदार राजेंद्र राऊत यांचा मुलगा रणवीरने भररस्त्यात दादागिरी केली. रणवीरने विरोधी पक्षाच्या कार्यकत्याला माना मुरगाळीन… अशी धमकी दिली आहे. या संबंधीचा व्हिडीओ सोशल मिडियावर व्हायरल झाला आहे. यात शिवसेना आमदार दिलीप सोपल व बारबोले यांच्याविषयीही रणवीरने अपशब्द वापरल्याचे दिसत आहे.

माजी आमदार राजेंद्र राऊत यांचा मुलगा व भाजपाचा पदाधिकारी असलेल्या रणवीर राऊत याने भररस्त्यात गाडीला ओव्हरटेक केल्याचा राग मनात धरून विरोधी पक्षाच्या एका कार्यकर्त्याला समर्थकासह शिवीगाळ केली. या कार्यकर्त्याला दमबाजी करताना रणवीर राऊत याने शिवीगाळ केली व विरोधात गेल्यास माना मुरगाळीन, वाकड पाऊल टाकला तर होत्याचे नव्हते करेन, नीट राहायचे या भाषेत दमबाजी केली आहे.

दरम्यान, यावेळी रणवीर राऊत याने शिवसेना (उद्धव बाळासाहेब ठाकरे) पक्षाचे आमदार दिलीप सोपल व बारबोले यांच्याविषयीही अपशब्द वापरले आहेत. रणवीर राऊतचा व्हिडीओ समाज माध्यमावर व्हायरल होत असून, संतप्त प्रतिक्रिया व्यक्त होत आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.