जनतेला आश्वासनांचं गाजर देणार्‍या सरकारचा गाजरांचा हाल घालून सत्कार! रोहिणी खडसेंचा महायुतीवर निशाणा

राष्ट्रवादी काँग्रेस शरदचंद्र पवार पक्षाच्या नेत्या रोहिणी खडसे यांनी शनिवारी पावसाळी अधिवेशनाच्या पत्रकार परिषद घेत महायुती सरकारवर जोरदार हल्ला चढवला. सरकारने जनतेला केवळ आश्वासनांचे गाजर दाखवले अशी टीका रोहिणी खडसे यांनी केली. यावेळी खडसे यांनी मुख्यमंत्री देवेंद्र फडणवीस, उपमुख्यमंत्री एकनाथ शिंदे-अजित पवार यांच्या प्रतिमेला गाजरांचा हार घातला.

हे सरकार येऊन सहा महिन्यांच्यावर काळ उलटला आहे. मात्र सरकार विधानसभा निवडणुकीच्या काळात दिलेले एकही आश्वासन पूर्ण केले नाही. सरकारने ना शेतकऱ्यांना कर्जमाफी दिली, ना त्यांच्या पिकाला हमीभाव दिला, ना लाडक्या बहिणींना 2100 रुपये या सरकारने दिली ती फक्त ‘गाजरे’. म्हणून गाजरांचा हार घालून सरकार या सरकारचा सत्कार केला, असे रोहिणी खडसे यावेळी म्हणाल्या.

आश्वासनांचे गाजर दिले हाती, जनतेची झाली माती !

आगामी पावसाळी अधिवेशनाच्या पार्श्वभूमीवर आज राष्ट्रवादी काँग्रेस पार्टी शरदचंद्र पवार पक्षाच्या मुंबई येथील मुख्य कार्यालयात पत्रकार परिषदेला संबोधित केले व सरकारच्या चुकीच्या गोष्टी माध्यम प्रतिनिधींसमोर मांडल्या.

हे सरकार येऊन… pic.twitter.com/uPVUxTssjY

— Adv Rohini Eknathrao Khadse (@Rohini_khadse) June 28, 2025

यावेळी रोहिणी खडसे यांनी एक फोटोही दाखवला. यात मुख्यमंत्री देवेंद्र फडणवीस यांच्या बाजूला डाव्या बाजूला अजित पवार, सुनील तटकरे, तर उजव्या बाजुला अशोक चव्हाण, नारायण राणे, छगन भुजबळ आणि प्रफुल्ल पटेल बसलेले दिसत आहेत. या सर्व नेत्यांवर भाजपनेच भ्रष्टाचाराचे गंभीर आरोप करत त्यांना तुरुंगात चक्की पिसायला पाठवणार अशी प्रतिज्ञा घेतली होती. मात्र आज हे सर्व नेते ताठ मानाने फडणवीसांच्या मांडीला मांडी लावून सत्तेत बसले आहेत. याचाही रोहिणी खडसे यांनी समाचार घेतला.

झारीतील शुक्राचार्य कोण? पबला कोणाचा आशीर्वाद? खासदाराचा भाजपला घरचा आहेर