Parag Jain – आयपीएस अधिकारी पराग जैन यांची RAW च्या प्रमुखपदी नियुक्ती

देशाची गुप्तचर संस्था ‘रॉ’च्या (Research & Analysis Wing) प्रमुखपदी 1989 बॅचचे आयपीएस अधिकारी पराग जैन यांची नियुक्ती करण्यात आली आहे. त्यांचा कार्यकाळ दोन वर्षांचा असणार आहे. विद्यमान ‘रॉ’ प्रमुख रवी सिन्हा यांचा कार्यकाळ 30 जून रोजी संपत आहे. याच पार्श्वभूमीवर केंद्रीय मंत्रिमंडळ समितीने पराग जैन यांच्या नावाला मान्यता दिली आहे. जैन हे पंजाब कॅडरचे आयपीएस अधिकारी आहेत. 1 जुल रोजी ते पदभार स्वीकारण्याची शक्यता आहे.

Centre has appointed Parag Jain, 1989‑batch IPS officer of Punjab cadre, as new Research & Analysis Wing (RAW) chief. He will succeed Ravi Sinha, whose current term concludes on June 30. Jain is set to assume office on July 1, 2025, for a fixed two‑year tenure. pic.twitter.com/hc9PuDJoKj

— ANI (@ANI) June 28, 2025

पराग जैन हे बऱ्याच काळातापासून ‘रॉ’सोबत काम करत आहेत. ‘रॉ’चे माजी प्रमुख सामंत गोयल यांच्यासोबत त्यांनी अनेक मिशन पूर्णत्वास नेले. जम्मू-काश्मीरला विशेष दर्जा देणारे कलम 370 हटवण्यात आणि बालाकोट एअर स्ट्राईकसारख्या महत्त्वाच्या मिशनमध्ये त्यांचा सहभाग होता. ते एव्हीएशन रिसर्च सेंटरचे प्रमुखही असून ऑपरेशन सिंदूर अंतर्गत पाकिस्तानमधील दहशतवादी तळांची ओळख पटवण्यात त्यांनी महत्त्वाची भूमिका बजावली होती.