काही माध्यमांच्या वृत्तांमध्ये असा दावा करण्यात आला होता की, इराणच्या अण्वस्त्र केंद्रांवर केलेल्या हल्ल्यांनंतर, ट्रम्प प्रशासन एका नवीन रणनीतीवर काम करत आहे आणि आता तेहरानशी नवीन कराराची तयारी करत आहे. या कथित प्रस्तावात 30 अब्ज डॉलरची मदत समाविष्ट आहे. ही मदत गैर-लष्करी (नागरी) अण्वस्त्र कार्यक्रमासाठी दिली जाईल. तसेच इराणशी वाटाघाटी करण्यासाठी निर्बंधांमध्ये शिथिलता आणली जाईल. या माध्यमांवरील वृत्तांवर अमेरिकेचे अध्यक्ष डोनाल्ड ट्रम्प संतापले असून हे वृत्त सपशेल खोटे आणि मूर्खपणाचे असल्याचे त्यांनी म्हटले आहे.
अमेरिकेचे अध्यक्ष डोनाल्ड ट्रम्प यांनी सोशल मीडिया प्लॅटफॉर्मवर लिहिले की, बनावट बातम्या देणाऱ्या माध्यमांमध्ये तो कोण आहे जो असे म्हणत आहे की ‘राष्ट्राध्यक्ष ट्रम्प इराणला 30 अब्ज डॉलर्स देऊ इच्छितात जेणेकरून ते लष्करी नसलेल्या अण्वस्त्र सुविधा उभारू शकतील. असा मूर्खपणा आपण याआधी पाहिला नाही, अशा शब्दांत ट्रम्प यांनी संताप व्यक्त केला. डोनाल्ड ट्रम्प यांनी इराणला 30 अब्ज डॉलर्सची मदत देण्याच्या वृत्ताला स्पष्टपणे नकार दिला आहे. तसेच खोटे बातम्या देणाऱ्या माध्यमांचा आणखी एक आजारी प्रचार असे त्यांनी म्हटले आहे.
…तर इराणवर पुन्हा हल्ला करण्यास मागेपुढे पाहणार नाही, डोनाल्ड ट्रम्प यांचा इशारा
ट्रम्प यांनी त्यांच्या सोशल मीडिया पोस्टमध्ये लिहिले आहे की, बनावट बातम्या प्रसारित करणाऱ्या माध्यमांमधील तो नीच व्यक्ती कोण आहे जो असे म्हणत आहे की राष्ट्रपती ट्रम्प इराणला 30 अब्ज डॉलर्स देऊ इच्छितात जेणेकरून ते गैर-लष्करी अणु सुविधा बांधू शकतील. मी कधीही अशी हास्यास्पद गोष्ट ऐकली नाही. माझी प्रतिमा बदनाम करण्यासाठी बनावट बातम्यांद्वारे पसरवले जाणारे हे आणखी एक खोटे आहे. हे लोक आजारी असून ते आजारी प्रचार करत आहेत, असे ट्रम्प यांनी म्हटले आहे.
Comment List