स्वतःचा देश सोडून धनदांडग्यांचा परदेशाचा ओढा, यंदा 3500 कोट्यधीश हिंदुस्थान सोडणार

कोटय़धीश धनदांडग्यांचे हिंदुस्थान सोडून परदेशात स्थायिक होणे सुरू आहे. एका अहवालानुसार, या वर्षी अंदाजे 3500 करोडपती देश सोडून अन्य देशांत स्थायिक होतील. दोन वर्षांपूर्वी ही संख्या 4300 एवढी होती. हेनले प्रायव्हेट वेल्थ मायग्रेशन रिपोर्ट 2025 नुसार, तब्बल 16500 धनवान ब्रिटन सोडणार आहेत. चीनमधून 7800 धनदांडगे अन्य देशांत जातील. फ्रान्समधून 800, स्पेनमधून 500 आणि जर्मनीतून 400 करोडपती देश सोडून जाऊ शकतात. अहवालानुसार, 2014 ते 2024 या काळात देशातील करोडपतींच्या संख्येत 72 टक्के इतकी वाढ झाली आहे. अहवालानुसार, जे करोडपती देश सोडून जातील, त्यांची संपत्ती 26.2 अब्ज डॉलरएवढी असेल.

यूएई, अमेरिकेला पसंती

संयुक्त अरब अमिराती (यूएई) सर्वाधिक करोडपतींना आकर्षित करत आहे. यंदा सुमारे 9400 लोक यूएईला स्थायिक होतील, असा अंदाज आहे. यूएईनंतर दुसरा नंबर अमेरिकेचा आहे. अमेरिकेत 7500 लोक जातील असा अंदाज आहे. कर धोरण, लाइफ स्टाईल आणि गोल्डन व्हिसा या पर्यायांमुळे ब्रिटन, हिंदुस्थान, रशिया, साऊथ ईस्ट आशिया आणि आफ्रिकेच्या लोकांसाठी सौदी अरेबिया पहिली पसंती बनला आहे. सौदी अरेबिया धनदांडग्यांचे पेंद्र म्हणून नावारूपास येतंय. 2025 या वर्षी सौदीमध्ये 2400 करोडपती स्थायिक होण्याचा अंदाज आहे.