रोज सकाळी रिकाम्या पोटी गरम लिंबूपाणी प्यायल्याने अनेक फायदे; पण काही लोकांसाठी ठरू शकतं समस्येचं कारण

अनेकदा आपण असं ऐकलं असेल की दिवसाची सुरुवात लिंबूपाणी घेऊन करावी शरीरासाठी चांगलं असतं. लिंबूपाणी पिणे आरोग्यासाठी खूप फायदेशीर आहे. पण तुम्ही कधी विचार केला आहे का की जर हे लिंबूपाणी थोडेसे कोमट असेल तर? होय साध्या पाण्यातील लिंबू पाण्यापेक्षा गरम लिंबूपाण्याचे अनेक फायदे आहेत. रोज सकाळी रिकाम्या पोटी गरम म्हणडे खूप गरम पाणी न करता कोमट लिंबूपाणी पिणे म्हणजे शरीरासाठी उत्तम. सकाळी कोमट लिंबूपाणी पिण्याचे काय फायदे आहेत, तसेच ते कोणी पिऊ नये हे देखील जाणून घेऊयात.

सकाळी लवकर रिकाम्या पोटी कोमट लिंबूपाणी पिण्याचे फायदे

1. वजन व्यवस्थापनासाठी फायदेशीर
ज्यांना चरबी कमी करायची आहे किंवा वजन नियंत्रित करायचे आहे त्यांच्यासाठी लिंबूपाणी पिणे हा एक उत्तम पर्याय असू शकतो. असे मानले जाते की लिंबूमध्ये आढळणारे सायट्रिक अॅसिड हायड्रेशनसह एकत्रितपणे चयापचय दर वाढवते. ते तुम्हाला सकाळी लवकर हायड्रेटेड राहण्यास मदत करते, जे तुमच्या शरीराला चांगले कार्य करण्यास मदत करते. असे केल्याने, तुमचा चयापचय सुधारते आणि वजनही नियंत्रित राहते.

2. पचनासाठी फायदेशीर
दिवसाची सुरुवात कोमट लिंबू पाण्याने केल्याने पचन सुधारू शकते. कोमट पाणी विशेषतः पाणी, अन्न प्रभावीपणे विघटित करण्यास मदत करते असे म्हटले जाते. यासोबतच, लिंबूमध्ये आढळणारे सायट्रिक अॅसिड पचन प्रक्रियेला गती देऊ शकते, जे पचन सुधारते.

3. रोगप्रतिकारक शक्ती वाढवते
लिंबूमध्ये व्हिटॅमिन सी भरपूर प्रमाणात असते, जे रोगप्रतिकारक शक्ती मजबूत करण्यासाठी एक आवश्यक पोषक तत्व आहे. हे जीवनसत्व शरीराच्या संरक्षण प्रणालीला समर्थन देऊन रोग रोखण्यात आणि जळजळ कमी करण्यात महत्त्वाची भूमिका बजावते.

4. हायड्रेशनसाठी चांगले
रात्रभर झोपल्यानंतर तुमचे शरीर डिहायड्रेट होते. अशा परिस्थितीत, जर तुम्ही दिवसाची सुरुवात कोमट लिंबू पाणी पिऊन केली तर ते तुम्हाला हायड्रेट करण्याचा एक उत्तम मार्ग असू शकते.

5. त्वचेचे आरोग्य सुधारते
लिंबूमध्ये भरपूर अँटीऑक्सिडंट्स असतात, ज्यापैकी सर्वाधिक प्रमाणात व्हिटॅमिन सी असते. ते त्वचेच्या पेशींना मुक्त रॅडिकल्समुळे होणाऱ्या नुकसानापासून वाचवण्यास मदत करू शकते. दररोज लिंबू पाणी पिल्याने तुमची त्वचा कालांतराने स्वच्छ आणि निरोगी होऊ शकते.

गरम लिंबू पाणी कोणी पिऊ नये?
जर लिंबू पाण्याचे फायदे ऐकल्यानंतर तुम्ही तुमचा दिवस त्यापासून सुरू करण्याचा निर्णय घेतला असेल, तर हेही जाणून घ्या की, ते पिणे प्रत्येकासाठी योग्य नाही. त्यामुळे काही लोकांना हे गर किंवा कोमट लिंबू पाणी प्यायल्याने त्रास होऊ शकतो.

ज्यांना अ‍ॅसिड रिफ्लक्सची समस्या आहे, तर लिंबू पाण्यापासून दूर राहणे तुमच्यासाठी चांगले होईल. यासोबतच, जर तुम्हाला दातांमध्ये काही समस्या असेल किंवा त्यात पोकळी असेल, तर तुम्ही हे लिंबू पाणी पिऊ नये कारण लिंबू खूप आम्लयुक्त असते आणि ते नियमितपणे खाल्ल्याने कालांतराने दातांचे इनॅमल नष्ट होऊ शकते. इतकेच नाही तर ज्या लोकांना सांधेदुखी आहे किंवा संधिवाताची समस्या आहे त्यांनीही हे लिंबू पाणी पिऊ नये.