पिकनिकसाठी गेलेले एकाच कुटुंबातील 18 जण नदीच्या पाण्याच्या प्रवाहात वाहून गेल्याची घटना समोर आली आहे. घटनेची माहिती मिळताच बचाव पथकाने घटनास्थळी धाव घेत बचावकार्य सुरू केले. आतापर्यंत सात जणांचे मृतदेह सापडले असून अन्य लोक अद्याप बेपत्ता आहेत. बेपत्ता लोकांचा शोध सुरू आहे. या घटनेचा व्हिडिओ सोशल मीडियावर व्हायरल झाला आहे.
पाकिस्तानच्या पंजाब प्रांतातील सियालकोट येथील एकाच कुटुंबातील 18 जण शुक्रवारी सकाळी स्वात नदीच्या खोऱ्यात पिकनिकला गेले होते. यावेळी परिसरात ढगफुटी सदृश्य पाऊस पडल्याने नदीच्या पाणी पातळीत अचानक वाढ झाली. यामुळे नदीला पूर आला आणि पुराच्या पाण्यात 18 जण वाहून गेले. वाहून गेलेल्यांमध्ये लहान मुलं आणि महिलांचा समावेश आहे. पाकिस्तानच्या खैबर-पख्तूनख्वा प्रांतातील प्रसिद्ध पर्यटन स्थळ स्वात खोऱ्यात ही घटना घडली. बेपत्ता पर्यटकांचा शोध सुरू आहे.
.jpeg)
.jpeg)
Comment List