हिंदी सक्ती विरोधात मुंबईत पुकारण्यात आलेल्या मोर्चाला राष्ट्रवादी काँग्रेस शरदचंद्र पवार पक्षाचा पाठिंबा

राज्यात पहिलीपासून हिंदी भाषेची सक्ती करण्याचे फर्मान महायुती सरकारने काढले आहे. याविरोधात राज्यभर सुरू असलेल्या आंदोलनांना शिवसेना (उद्धव बाळासाहेब ठाकरे), मनसे नंतर आता राष्ट्रवादी काँग्रेस शरदचंद्र पवार पक्षानेही आपला पाठिंबा दर्शवला आहे.

हिंदी सक्तीविरोधात 5 जुलै रोजी गिरगाव चौपाटी ते आझाद मैदान असा हा मोर्चा निघणार आहे. यामध्ये राष्ट्रवादी काँग्रेस शरदचंद्र पवार पक्षही सहभागी होणार आहे, अशी घोषणा राष्ट्रवादी काँग्रेस शरदचंद्र पवार पक्षाचे प्रदेशाध्यक्ष जयंत पाटील यांनी एक पत्रक जाहीर करून दिली आहे.

याबाबत पक्षाच्या अधिकृत X अकाऊंटवरून पोस्ट करत सांगण्यात आलं आहे की, “महाराष्ट्र सरकारच्या ‘राष्ट्रीय शैक्षणिक धोरण 2020 (NEP २०२०)’ अंतर्गत प्राथमिक शिक्षणात त्रिभाषा सूत्रान्वये केल्या जाणाऱ्या हिंदी सक्तीला विरोध करण्यासाठ आणि प्राथमिक शिक्षण प्रामुख्याने मातृभाषेतूनच व्हावे, या मागणीसाठी येत्या शनिवारी, 5 जुलै 2025 रोजी तमाम मराठीजनांकडून मुंबईत पुकारण्यात आलेल्या मोर्चाला ‘राष्ट्रवादी काँग्रेस पक्ष शरदचंद्र पवार’ पक्षाचा जाहीर पाठिंबा आहे. सर्वांनी मोठ्या संख्येने सहभागी होऊयात.”

महाराष्ट्र सरकारच्या ‘राष्ट्रीय शैक्षणिक धोरण २०२० (NEP २०२०)’ अंतर्गत प्राथमिक शिक्षणात त्रिभाषा सूत्रान्वये केल्या जाणाऱ्या हिंदी सक्तीला विरोध करण्यासाठी, आणि प्राथमिक शिक्षण प्रामुख्याने मातृभाषेतूनच व्हावे ह्या मागणीसाठी येत्या शनिवारी, ५ जुलै २०२५ रोजी तमाम मराठीजनांकडून… pic.twitter.com/5ebMm3LxQ8

— Nationalist Congress Party – Sharadchandra Pawar (@NCPspeaks) June 27, 2025