Aashadi Ekadashi 2025 आषाढी यात्रेनिमित्त आजपासून श्री विठ्ठल रुक्मिणीमातेचे 24 तास दर्शन सुरू

आषाढी वारीतील भाविकांची वाढती गर्दी लक्षात घेऊन मंदिर समिती व्यवस्थापनाने, आज पासून श्री विठ्ठल रखुमाईचे दर्शन 24 तास खुले ठेवण्याचा निर्णय घेतला आहे. सध्या दर्शन रांगेत पन्नास हजाराहून अधिक वारकरी भाविक उभे आहेत. पदस्पर्श दर्शनासाठी आठ ते दहा तासांचा अवधी लागत असल्याची माहिती सहअध्यक्ष गहिनीनाथ महाराज औसेकर यांनी दिलीय.

श्रींचा पलंग काढल्याने काकडा आरती, पोशाख, धुपारती, शेजारती आदी राजोपचार बंद होवून नित्यपुजा, महानैवेद्य व गंधाक्षता हे राजोपचार सुरू राहतील. दिनांक 16 जुलै (प्रक्षाळपुजा) पर्यंत 24 तास दर्शन उपलब्ध असणार आहे. श्रींचा पलंग काढताना पुजेवेळी मंदिर समितीचे सह अध्यक्ष गहिनीनाथ महाराज औसेकर, सदस्य शकुंतलाताई नडगिरे, ॲड माधवीताई निगडे, कार्यकारी अधिकारी राजेंद्र शेळके, व्यवस्थापक मनोज श्रोत्री, विभाग प्रमुख संजय कोकीळ, अतुल बक्षी व पौरोहित्य करणारे कर्मचारी उपस्थित होते.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.