ICC ने टी-20 क्रिकेटच्या नियमांमध्ये केला महत्त्वपूर्ण बदल, षटकांच्या संख्येवर ठरणार पॉवरप्ले

आंतरराष्ट्रीय क्रिकेट परिषदेने (ICC) क्रिकेटच्या तिन्ही फॉरमॅटमच्या काही नियमांमध्ये महत्त्वपूर्ण बदल केले आहेत. ज्यामध्ये आंतरराष्ट्रीय टी-20 क्रिकेटमधील पॉवरप्लेच्या नियमाचा सुद्धा समावेश आहे. बऱ्याच वेळा पावसाच्या व्यत्ययामुळे किंवा अन्य काही कारणांमुळे षटकांची संख्या कमी करावी लागते. त्याचा परिणाम पॉवरप्लेच्या षटकांवर सुद्धा होता. त्यामुळे ICC ने आता पॉवरप्लेच्या षटकांची संख्या निश्चित केली आहे. म्हणजेच षटकांच्या संख्येनुसार पॉवरप्लेची षटके निश्चित करण्यात आली आहेत.

टी-20 क्रिकेटमध्ये साधारणपणे 6 षटकांचा पॉवरप्ले असतो. जर काही कारणांमुळे षटकांची संख्या कमी झाली तर पॉवरप्लेचा नवीन नियम आता लागू होणार आहे. नवीन नियमांनुसार, जर एखादा सामना 19 षटाकांचा खेळला गेला तर, त्या सामन्यात 5.4 षटकांचा पॉवरप्ले खेळला जाईल. ICC ने पाच षटकांपासून ते 19 व्या षटकापर्यंत पॉवरप्लेच्या षटकांची संख्या निश्चित केली आहे.

पुढील प्रमाणे षटकांची आणि पॉवरप्लेची संख्या निश्चित करण्यात आली आहे

• 5 षटकांचा खेळ – 1.3 षटकांचा पॉवरप्ले
• 6 षटकांचा खेळ – 1.5 षटकांचा पॉवरप्ले
• 7 षटकांचा खेळ – 2.1 षटकांचा पॉवरप्ले
• 8 षटकांचा खेळ – 2.2 षटकांचा पावरप्ले
• 9 षटकांचा खेळ – 2.4 षटकांचा पावरप्ले
• 10 षटकांचा खेळ – 3 षटकांचा पॉवरप्ले
• 11 षटकांचा खेळ – 3.2 षटकांचा पावरप्ले
• 12 षटकांचा खेळ – 3.4 षटकांचा पावरप्ले
• 13 षटकांचा खेळ – 3.5 षटकांचा पावरप्ले
• 14 षटकांचा खेळ – 4.1 षटकांचा पावरप्ले
• 15 षटकांचा खेळ – 4.3 षटकांचा पावरप्ले
• 16 षटकांचा खेळ – 4.5 षटकांचा पावरप्ले
• 17 षटकांचा खेळ – 5.1 षटकांचा पावरप्ले
• 18 षटकांचा खेळ – 5.2 षटकांचा पावरप्ले
• 19 षटकांचा खेळ – 5.4 षटकांचा पावरप्ले

‘शॉर्ट रन’ महागात पडणार, आयसीसीच्या नव्या नियमांमुळे पंचांच्या अधिकारांमध्ये वाढ