इचलकरंजी शहरातील महात्मा गांधी पुतळ्याजवळील ‘श्रद्धा ऍकॅडमी’तील बारावीच्या विद्यार्थ्याने होस्टेलच्या बाथरूममध्ये आत्महत्या केल्याचे उघडकीस आले आहे. यश अमित यादव असे आत्महत्या केलेल्या विद्यार्थ्याचे नाव आहे. ही घटना दुपारी उघडकीस आली.
दरम्यान, आत्महत्या केलेल्या विद्यार्थ्याच्या नातेवाईकांनी ही आत्महत्या नसून, घातपात असल्याचा संशय व्यक्त करत मृतदेह ताब्यात घेण्यास विरोध केला. ‘मृतदेहाबाबत गावभाग पोलीस अकारण गडबड करत आहेत, त्यामुळे आम्हाला संशय वाटत आहे. आत्महत्याप्रकरणी ऍकॅडमीचालकांवर गुन्हा नोंद होत नाही, तोपर्यंत मृतदेह ताब्यात घेणार नाही,’ अशी भूमिका नातेवाईकांनी घेतली आहे.
पोलिसांनी पंचनामा करून मृतदेह शवविच्छेदनासाठी शासकीय रुग्णालयात पाठवून दिला. मात्र, त्याच्या वडिलांनी एका पत्राद्वारे शवविच्छेदन कोल्हापूरच्या सीपीआर हॉस्पिटलमध्ये करण्याची मागणी केली. त्यानुसार कार्यवाही सुरू झाली. याचा अधिक तपास गावभाग पोलीस करत आहेत. या घटनेने खासगी क्लासमधील विद्यार्थी आणि शिक्षकवर्ग हादरून गेले आहेत.
.jpeg)
Comment List