पंतप्रधान नरेंद्र मोदी सध्या कॅनडामध्ये आहेत. कॅनडामध्ये आयोजित जी-7 शिखर संमेलनामध्ये ते सहभागी झाले. सुरुवातीला त्यांना या संमेलनाचे आमंत्रण देण्यात आले नव्हते, मात्र नंतर कॅनडाने समंजसपणाची भूमिका घेतली आणि पंतप्रधान मोदींना आमंत्रित केले. त्यानुसार, मोदी या शिखर संमेलनाला पोहोचले, मात्र जगभरातील प्रमुख देशांच्या गर्दीत त्यांना मागच्या रांगेत उभे करण्यात आले. याचा व्हिडीओही सोशल मीडियावर व्हायरल झाला असून मोदी विश्वगुरू बनले असा डंका पिटणाऱ्यांची गोची झाली.
पंतप्रधान नरेंद्र मोदी विदेशात गेले की त्यांच्या आजूबाजूला हिंदुस्थानी वंशाचे लोक जमतात, झेंडे फडकवतात, घोषणाबाजी करतात असे व्हिडीओ भाजपकडून अनेकदा शेअर केले जातात. मात्र यासाठी कोट्यवधी रुपये खर्च केला जातो हे नुकतेच उघड झाले होते. तसेच रशिया-युक्रेन युद्ध सुरू असताना हिंदुस्थानी नागरिक, विद्यार्थ्यांना तिथून बाहेर पडण्यासाठी युद्ध थांबवण्यात आल्याच्या पोस्टही करण्यात आल्या. ‘पापा ने वॉर रुकवा दी’ अशा आशयाच्या या पोस्टची विरोधकांनीही चिरफाड केली होती.
नुकत्याच झालेल्या हिंदुस्थान-पाकिस्तानमधील छोटेखानी युद्धावेळी थेट अमेरिकेचे राष्ट्राध्यक्ष डोनाल्ड ट्रम्प यांनी परस्पर युद्धविराम जाहीर केला. त्यामुळे मोदींची गोची झाली. भक्तांनी दिलेल्या विश्वगुरू या पदवीला तडा जाणाऱ्याच या गोष्टी असल्याची चर्चा सोशल मीडियावर झाली. आता तर जी-7 शिखर संमेलनावेळी त्यांना मागच्या रांगेत उभे करण्यात आल्याचे समोर आले आहे.
Comment List