लग्नाच्या मिरवणुकीत डीजेवरुन वाद विकोपाला, वधूच्या वऱ्हाड्यांकडून नवरदेवाची हत्या

लग्नाच्या मिरवणुकीत डीजेवरून झालेला वाद नवरदेवाच्या जीवावर बेतला आहे. नवरीकडील मंडळींनी नवरदेवाला केलेल्या मारहाणीत त्याचा मृत्यू झाला आहे. यामुळे आनंदाच्या दिवशीच मुलाच्या कुटुंबावर दुःखाचा डोंगर कोसळला आहे. याप्रकरणी पोलिसांनी एका आरोपीला अटक केली आहे. उत्तर प्रदेशातील गाझीपूरमध्ये ही घटना घडली.

गाझीपूरच्या जगदीशपूर गावात लग्नाची मिरवणूक सुरू होती. यावेळी मिरवणुकीत डीजे लावण्यात आला होता. नवरीच्या कुटुंबातील तरुण डीजेच्या तालावर नाचत होता. काही कारणातून त्यांचे नवरदेवाच्या नातेवाईकांशी भांडण झाले. यावेळी नवरदेवाच्या वडिलांनी भांडण मिटवण्यासाठी मध्यस्थी केली. मात्र तरुणांनी नवरदेवाच्या वडिलांना मारहाण केली.

वडिलांना मारहाण होताना पाहून नवरदेव मध्ये पडला. मद्यधुंद तरुणांनी नवरदेवालाही मारहाण केली. एकाने बंदुकीचा दस्त्याने डोक्यात मारहाण केली. यामुळे नवरदेव बेशुद्ध झाला. त्याला गाझीपूरच्या मेडिकल कॉलेजमध्ये दाखल करण्यात आले. डोक्याला मार लागल्याने नवरदेव कोमात गेला आणि उपचारादरम्यान त्याचा मृत्यू झाला. पोलीस पुढील कारवाई करत आहेत.