सोनिया गांधी यांची प्रकृती बिघडली, शिमलामधील आयजीएमसी रुग्णालयात दाखल

काँग्रेसच्या ज्येष्ठ नेत्या आणि आणि राज्यसभा खासदार सोनिया गांधी यांची प्रकृती शनिवारी शिमला येथे अचानक बिघडली. त्यांना तातडीने शिमला येथील इंदिरा गांधी वैद्यकीय महाविद्यालय आणि रुग्णालयात (IGMC) दाखल करण्यात आले आहे.

सध्या डॉक्टर सोनिया गांधी यांची वैद्यकीय तपासणी आणि एमआरआयसह विविध चाचण्या करत आहेत. त्यांच्या प्रकृतीबाबत नेमके कारण अद्याप स्पष्ट झालेले नाही, परंतु त्यांची प्रकृती स्थिर असल्याचे सांगण्यात येत आहे. सोनिया गांधी या पाच दिवसांपूर्वी खासदार प्रियंका गांधी यांच्यासह शिमला येथे आल्या होत्या. या त्यांचा या घटनेमुळे काँग्रेस कार्यकर्त्यांमध्ये चिंतेचे वातावरण आहे.

दरम्यान, गेल्या चार-पाच वर्षांत सोनिया गांधी यांची प्रकृती अनेक वेळा बिघडली आहे आणि विविध आरोग्य कारणांमुळे त्यांना रुग्णालयात दाखल करावे लागले आहे. सोनिया गांधी बऱ्याच काळापासून श्वसनाच्या समस्याने त्रस्त आहेत. 2022 मध्ये श्वास घेण्यास त्रास होत असल्याने त्यांना दिल्लीतील सर गंगाराम रुग्णालयात दाखल करण्यात आले होते. त्यानंतर जून 2022 मध्ये कोरोनाची लागण झाल्यानंतर त्यांना पुन्हा दाखल करावे लागले. सप्टेंबर 2022 मध्येही आरोग्य कारणांमुळे त्यांना दिल्लीतील रुग्णालयात दाखल करण्यात आले होते.