Akola News – धरणाच्या पाण्यात अंघोळीसाठी उतरले, मात्र पाण्याचा अंदाज न आल्याने दोघे बुडाले

धरणाच्या पाण्यात अंघोळीसाठी उतरलेल्या दोन तरुणांचा बुडून मृत्यू झाल्याची घटना अकोल्यात घडली. योगेश आश्रुबा डाहाळे आणि कार्तिक कृष्णा डाहाळे अशी बुडालेल्या तरुणांची नावे आहेत. बोरमळी चेलगाव येथील धरणात ही घटना घडली. घटनेची माहिती मिळताच संत गाडगेबाबा आपत्कालीन पथकाने घटनास्थळी धाव घेत दोघांचे मृतदेह बाहेर काढले.

योगेश आणि कार्तिक दोघेही चिखलगाव येथील रहिवासी होते. दोघेही धरणाच्या पाण्यात अंघोळीसाठी गेले होते. मात्र पाण्याचा अंदाज न आल्याने दोघेही बुडाले. आपत्कालीन पथकाने अथक प्रयत्न करत 20 फूट खोल पाण्यातून दोन्ही मृतदेह बाहेर काढले. या घटनेमुळे डाहाळे कुटुंबावर शोककळा पसरली आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.