व्हिटॅमिन बी-12 ची कमतरता दूर करण्यासाठी हा शाकाहारी पदार्थ खायलाच हवा! वाचा

हिंदुस्थानातील 40% महिलांना अशक्तपणा आहे. याचे एक कारण व्हिटॅमिन बी-12 ची कमतरता असू शकते. अशक्तपणा हा केवळ महिलांमध्येच नाही तर, पुरुषांमध्येही मोठ्या प्रमाणात असतो त्यामुळेच आपल्या शरीरासाठी व्हिटॅमिन बी-12 गरजेचे आहे. व्हिटॅमिन बी-12 हे आपल्या शरीरासाठी खूप महत्वाचे मानले जाते, त्याच्या कमतरतेमुळे, शरीराला थकवा, अशक्तपणा, मानसिक गोंधळ, मज्जासंस्थेशी संबंधित समस्या आणि अशक्तपणा इत्यादी अनेक समस्यांना तोंड द्यावे लागू शकते. व्हिटॅमिन बी-12 चा विचार येतो तेव्हा मांसाहारी पदार्थाचे नाव प्रथम घेतले जाते. परंतु तुम्ही शाकाहारी असाल तर मूग तुमच्यासाठी सर्वोत्तम पर्याय असू शकतो.

Jaggery Benefits- दररोज गूळ खाण्याचे 9 आरोग्य फायदे, वाचा सविस्तर

मूग डाळ ही एक अतिशय पौष्टिक डाळ आहे, यात प्रथिने, फायबर, लोह, मॅग्नेशियम, फॉस्फरस आणि अनेक जीवनसत्त्वे असतात. या डाळीचे दररोज सेवन केल्याने, शरीराचे अनेक समस्यांपासून संरक्षण होऊ शकते. महिलांनी दररोज एक वाटी ही डाळ नक्कीच खावी. कारण मूग डाळ ही व्हिटॅमिन बी-12 चा चांगला स्रोत आहे आणि ती सहज पचवता येते, त्यामुळे व्हिटॅमिन बी-12 च्या कमतरतेवर मात करण्यासाठी ती एक उत्तम पर्याय बनते.

1- मूग डाळीचे पाणी- रात्री एक कप मूग डाळ पाण्यात भिजत घाला. सकाळी पाणी गाळून प्या. हे व्हिटॅमिन बी-12 च्या कमतरतेवर मात करण्यास मदत करू शकते.

 

2. अंकुरलेले मूग – मूग डाळ कोंब आणुनही खाऊ शकता. तसेच सॅलड किंवा पराठ्यांमध्ये समाविष्ट करून खाऊ शकता. याच्या मदतीने व्हिटॅमिन बी-12 ची कमतरता दूर करता येते.

३. मूग डाळ खिचडी- तुम्ही मूग डाळ खिचडी किंवा डाळ-भात बनवून खाऊ शकता. यामुळे व्हिटॅमिन बी-12 ची कमतरता दूर होण्यास देखील मदत होऊ शकते.

 

४. मूग डाळीचे वरण- मूगाच्या डाळीचे वरण हे सर्वांसाठी खूप पोषक मानले गेलेले आहे. म्हणूनच निरोगी राहण्यासाठी तसेच व्हिटॅमिन बी-12 वाढण्यासाठी मूग डाळीचे वरण आपल्या आहारात असायलाच हवे.