जेईईमध्ये कश्मिरी कन्यांची कमाल

जेईई ऍडव्हान्स 2025 चा निकाल सोमवारी लागला. कश्मीरच्या तीन मुलींनी पहिल्यांदाच ही परीक्षा क्रॅक केली. मलिहा हारिस, सदफ मुश्ताक आणि जनीस अशी तिघींची नावे आहेत. तिघींनी जेईई ऍडव्हान्स परीक्षेत चमकदार कामगिरी केली. आयआयटीमध्ये प्रवेश घेण्याचा त्यांचा मार्ग आता सुकर झालाय. कश्मीरमध्ये पहिल्यांदाच तीन मुली आयआयटी प्रवेश परीक्षा उत्तीर्ण झाल्या आहेत. कश्मीरच्या शिक्षण व्यवस्थेतील हे एक क्रांतिकारक पाऊल मानले जात आहे. मलिहा हारिस हिला जेईई मेन परीक्षेत 99.24 टक्के मिळाले. अडचणींवर मात करत शिक्षणावर लक्ष केंद्रित केल्याचे मलिहा हिने सांगितले. आयआयटीमध्ये प्रवेश घेऊन टेक्निकल सेक्टरमध्ये काम करायचे असे ती म्हणाली. सदफ मुश्ताक पहलगाम येथील आहे. तिने जेईई मेनमध्ये 99.50 टक्के गुण मिळवले. राज्यात दहावीमध्ये ती टॉपर होती. जनीस हिने मेहनत आणि आत्मविश्वासाने परीक्षेत यश मिळवले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.