शिवसेना नेते-खासदार संजय राऊत यांनी शिवसेनेवर टीका करणारे गिरीश महाजन हे देवेंद्र फडणवीस यांच्या मंत्रिमंडळातील सर्वात भ्रष्ट मंत्री आहेत, असा घणाघात करत महाजनांच्या भ्रष्टाचाराची आज पोलखोल केली. अभिषेक काwल नावाचा बिल्डर ठेकेदार गिरीश महाजनांचा दलाल आहे. तो महाजनांसाठी वसुली करतो आणि व्यवहार न झाल्याने महाजनांच्या आपत्ती व्यवस्थापन विभागात साडेतीनशे फायली मंजुरीविना पडून आहेत, अशी धक्कादायक माहितीही संजय राऊत यांनी दिली.
संजय राऊत यांनी आज पत्रकार परिषदेत प्रसारमाध्यमांशी संवाद साधला. भारतीय जनता पक्ष आणि मिंधे गटाचे मंत्री मंत्रालयातील कामेच करत नाहीत, फक्त इतरांचे पक्ष फोडणे हा एकच अजेंडा आहे, अशी टीका संजय राऊत यांनी केली. ते म्हणाले की, गिरीश महाजन यांच्याकडे सर्वसामान्यांच्या आयुष्याशी आणि भवितव्याशी निगडित आपत्ती व्यवस्थापन खाते आहे. अभिषेक काwल हा महाजनांच्या कार्यालयात वसुलीसाठी बसतो आणि त्याचा फोन आल्याशिवाय महाजन एकही फाईल मंजूर करत नाहीत, असे संजय राऊत म्हणाले. महाजन हे भ्रष्ट असल्यामुळेच भाजपच्या पेंद्रीय समितीचा त्यांना मंत्रिमंडळात घेण्यास विरोध होता, असेही ते म्हणाले.
दलाल मंत्रालयाबाहेर फायली मंजुरी करतात
गिरीश महाजन यांच्या भ्रष्टाचाराचे पुरावे आपण मुख्यमंत्री फडणवीस यांना देण्यास तयार आहोत, ते कारवाई करणार नाहीत हे मला माहीत आहे, पण फडणवीसांच्या मंत्रिमंडळात काय लायकीचे मंत्री आहेत हे महाराष्ट्राला कळले पाहिजे, असे संजय राऊत म्हणाले. महाजनांचे दलाल मंत्रालयाबाहेर व्यवहार करून फायली मंजुरी करतात.
देवेंद्र फडणवीसांनी महाजन, एकनाथ शिंदे, प्रफुल्ल पटेल या ईडीपीडित साधुसंतांच्या पाया पडायला हवे. कारण त्यांच्यामुळेच फडणवीसांना शिवसेना फुटीचा आनंद घेता आला. नाहीतर त्यांची तपस्या कधीच पूर्ण झाली नसती.
Comment List