पाकिस्तानसाठी हेरगिरी; आणखी एक यूटय़ूबर अटकेत

पाकिस्तानसाठी हेरगिरी केल्याच्या आरोपाखाली पंजाबमधून आणखी एका यूटय़ूबरला अटक केली आहे. जसबीर सिंग असे त्याचे नाव आहे. ‘ऑपरेशन सिंदूर’नंतर हाती घेतलेल्या कारवाईच्या मोहिमेत ज्योती मल्होत्रापाठोपाठ जसबीरला पंजाब पोलिसांनी अटक केली. त्याच्या इन्स्टाग्राम व यूटय़ूब चॅनेलवर पाकिस्तानशी संबंधित व्हिडीओ आढळले आहेत.

जसबीरने एप्रिल 2024 मध्ये इन्स्टाग्राम हॅण्डलवर ‘जानमहल’ नावाचा एक व्हिडीओ अपलोड केला होता. त्यात ज्योती मल्होत्रा पाकिस्तानच्या दुकानात सूट खरेदी करीत असल्याचे दिसत आहे. ज्योतीला यापूर्वीच पाकिस्तानसाठी हेरगिरी केल्याच्या आरोपाखाली अटक केली आहे. जसबीर आणि ज्योती मल्होत्रा हिंदुस्थानी यंत्रणांशी संबंधित संवेदनशील माहिती पाकिस्तानला पुरवायचे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.