दहशतवाद पोसणाऱ्या पाकिस्तानकडे संयुक्त राष्ट्रांच्या दहशतवादविरोधी समितीची धुरा! तालिबान प्रतिबंध समितीत अध्यक्षपदावर नियुक्ती

दहशतवाद पोसणाऱया पाकिस्तानला संयुक्त राष्ट्र सुरक्षा परिषदेत दहशतवादाशी संबंधित महत्त्वाची जबाबदारी मिळाली आहे. परिषदेतील तालिबान प्रतिबंध समितीच्या अध्यक्षपदावर पाकिस्तानची नियुक्ती झाली आहे. पाकिस्तानचा मित्र चीन तालिबानशासित काबूल आणि इस्लामाबादमधील संबंध सुधारण्याचा प्रयत्न करीत आहे. याचदरम्यान पाकिस्तानच्या हाती समितीची धुरा आली आहे.

गेल्या महिन्यातच चीनने तालिबान आणि पाकिस्तानच्या परराष्ट्र मंत्र्यांसोबत बैठक घेऊन चर्चा केली होती. तालिबान प्रतिबंध समिती ही अफगाणिस्तानच्या शांती, स्थिरता आणि सुरक्षेसाठी धोकादायक असलेल्या व्यक्ती, गट व संस्थांची आर्थिक संपत्ती जप्त करण्याचा तसेच प्रवास आणि शस्त्रांवर बंदी घेणे यांसारखे निर्णय घेऊ शकणार आहे. सुरक्षा परिषदेच्या सहाय्यक समितींच्या 2025 च्या यादीनुसार, पाकिस्तान केवळ तालिबान प्रतिबंध समितीचे नेतृत्व करणार नाही तर संयुक्त राष्ट्राच्या दहशतवाद विरोधी समितीच्या उपाध्यक्ष पदाचीही जबाबदारी सांभाळणार आहे. या समितीचे अध्यक्षपद अल्जीरिया करणार आहे आणि फ्रान्स, रशिया व पाकिस्तानकडे उपाध्यक्षपद असणार आहे. डेन्मार्क संयुक्त राष्ट्र सुरक्षा परिषदेच्या 1267 आयएसआयएल आणि अल-कायदा प्रतिबंध समितीचे नेतृत्व करणार आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.