मुंबई विमानतळावर एअर इंडियाच्या विमानाचे लँडिंगवेळी टायर फुटले

मुंबईत सुरू असलेल्या मुसळधार पावसाचा मोठा फटका हवाई वाहतूकीला देखील बसला आहे. सोमवारी मुंबई विमानतळावर लँड करणाऱ्या एअर इंडियाच्या एका विमानाचे तीन टायर फुटल्याचे समजते. सुदैवाने वैमानिकाने प्रसंगवधान दाखवत विमानाला सुरक्षितरित्या लँड केले. या घटनेत विमानातील प्रवाशांना कोणत्याही प्रकारची दुखापत झाली नाही.

Flight AI2744, operating from Kochi to Mumbai on 21 July 2025, experienced heavy rain during landing, resulting in a runway excursion after touchdown. The aircraft taxied safely to the gate, and all passengers and crew members have since disembarked. The aircraft has been…

— ANI (@ANI) July 21, 2025

एअर इंडियाचे AI 2744 हे विमान कोचीवरून मुंबईला येत होते. हे विमान मुंबई विमानतळावर लँड होत असताना मुसळधार पाऊस सुरू होता.  खराब हवामानामुळे लँडिंग करताना विमानाची चाकं जशी जमिनीला लागली तसा विमानात टर्ब्युलन्स झाला. त्यामुळे प्रवाशांमध्ये घबराट पसरली होती. मात्र सुदैवाने वैमानिकाने व्यवस्थित लँड केल्याने मोठा अनर्थ टळला.