ठरलं! ‘या’ मैदानावर रंगणार फायनलचा थरार, ICC ने केली मोठी घोषणा

ICC महिला टी-20 वर्ल्ड कप पुढच्या वर्षी इंग्लंडमध्ये होणार आहे. तशी घोषणा आयसीसीने यापूर्वीच केली होती. परंतु फायनलचा थरार कोणत्या स्टेडियमवर रंगणार हे निश्चित नव्हते. परंतु, आता ICC ने घोषणा करत फायनलचा सामना क्रिकेटची पंढरी म्हणून ओळखल्या जाणाऱ्या लॉर्ड्सवर रंगणार असल्याचे घोषित केलं आहे.

ICC महिला टी-20 वर्ल्ड कप 2026 हा इंग्लंडमध्ये होणार आहे. काही ठिकाणांची त्यासाठी निवड करण्यात आली आहे. ओल्ड ट्रॅफर्ड, हेडिंग्ले, एजबॅस्टन, हॅम्पशायर बाउल, द ओव्हल, ब्रिस्टर काउंटी आणि लॉर्ड्स या स्टेडियमवर वर्ल्ड कपचे सामने खेळले जाणार आहेत. 15 जून 2026 ते 5 जूलै 2026 दरम्यान रंगणाऱ्या या वर्ल्ड कपमध्ये एकून 12 संघ आपलं नशीब आजमावणार आहेत. दोन गटांमध्ये संघांची विभागणी करण्यात येणार असून साखळी फेरीत 20 सामने खेळले जाणार आहेत. हिंदुस्थान, ऑस्ट्रेलिया, दक्षिण आफ्रिका, इंग्लंड, न्यूझीलंड, वेस्ट इंडिज, पाकिस्तान आणि श्रीलंका हे 8 संघ वर्ल्ड कप खेळण्यासाठी पात्र ठरले आहेत. परंतु उर्वरित 4 संघ कोणते हे अद्याप निश्चित झालेलं नाही.