उपराष्ट्रपती जगदीप धनखड यांनी तडकाफडकी राजीनामा दिल्यानंतर दिल्लीतील राजकारणात खळबळ उडाली. दरम्यान सप्टेंबरमध्ये नरेंद्र मोदी हे 75 वर्षांचे होणार आहेत, त्यामुळे ते राजीनामा देणार का? दिला तर त्यांची जागा कोण घेणार अशा अनेक विषयांवर सध्या राजकीय वर्तुळात चर्चा सुरू आहे. त्यावर बोलताना शिवसेना (उद्धव बाळासाहेब ठाकरे) पक्षाचे नेते, खासदार संजय राऊत यांनी एक मोठा दावा केला आहे. ”गृहमंत्री अमित शहा यांना पंतप्रधानपदाची महत्त्वकांक्षा आहे, त्या दृष्टीने त्यांची पाऊले पडत आहेत. मात्र नरेंद्र मोदी कधीच त्यांना पंतप्रधान होऊ देणार नाहीत’, असा दावा संजय राऊत यांनी केला आहे.
”अमित शहा यांना पंतप्रधानपदाची महत्त्वकांक्षा आहे. त्यांना दिल्लीतल्या सर्वोच्च पदी येण्याची महत्त्वकांक्षा आहे. त्या दृष्टीने त्यांची पाऊलं पडतायत. पण नरेंद्र मोदी ते होऊ देणार नाहीत. नरेंद्र मोदी सप्टेंबरमध्ये 75 वर्षांचे होतायत. पण कोणत्याही परिस्थितीत ते शहांना आपल्या पदावर येऊ देणार नाही. ते शहांना पुन्हा गुजरातचे मुख्यमंत्री म्हणून परतच पाठवतील”, असे संजय राऊत म्हणाले.
”सगळे नरेंद्र मोदींना रिटार्ड करू इच्छित आहेत. त्यात अमित शहा देखील आहेत. अमित शहांना वाटतं मोदींनंतर मी, राजनाथ सिंह यांना वाटतं की मोदीनंतर मी. या मी मी च्या राजकारणात देशाचं नुकसान करत आहेत”, असेही संजय राऊत म्हणालेय
Comment List