बोगस तणनाशके बनविणाऱ्या टोळीला अटक, सातारा जिह्यात साडेबारा लाखांचा मुद्देमाल जप्त

शेतीसाठी बनावट तणनाशके बनवणाऱ्या सहाजणांच्या टोळीला सातारा शहर पोलिसांनी जेरबंद केले असून, 12 लाख 59 हजारांचा मुद्देमाल जप्त केला आहे. करंजे नाक्यावर बनावट तणनाशके घेऊन जाणारा टेम्पो पकडल्यानंतर हे रॅकेट उघडकीस आले. याप्रकरणी धैर्यशील अनिल घाडगे (कय 31, रा. शाहुपुरी सातारा), युवराज लक्ष्मण मोरे (वय 28, रा. रेकडी, ता. कोरेगाव), गणेश मधुकर कोलवडकर (वय 30, रा. धालवडी, ता. फलटण), नीलेश भगवान खरात (वय 38, जाधववाडी, ता. फलटण), तेजस बाळासा ठोंबरे (वय 30, रा. कडूज, ता. खटाव), संतोष जालिंदर माने (वय 45, रा. नडवळ, ता. खटाव) यांच्याकर गुन्हा दाखल
झाला आहे.

साताऱ्यातील करंजे नाका येथे शेतीसाठी लागणारी बनावट औषधे विक्री करण्यासाठी काही लोक चारचाकी गाडीतून येणार असल्याची माहिती पोलिसांना मिळाली होती. त्यानुसार सातारा पोलीस व डीबी पथकाने बनावट औषधांची खात्री करण्यासाठी टू-बडी कन्सल्टिंगचे सतीश तानाजी पिसाळ यांना सोबत घेऊन करंजे नाका येथे दुपारी चार काजता सापळा रचला. करंजे नाका येथे आलेला टेम्पो थांबवून सतीश तानाजी पिसाळ यांच्या मदतीने औषधे तपासली. त्यांनी औषधे बायर कंपनीचे ‘राऊंडअप’ असे नाव वापरून बनावट औषधे असल्याचे खात्रीशीर सांगितले. त्यानंतर पोलीस उपनिरीक्षक ढमाळ यांनी गाडीसह चालकास ताब्यात घेतले क जागीच पंचनामा केला. यावेळी 2 लाख 6 हजार 700 रुपयांच्या बनावट औषधाच्या एकूण 260 बॉटल व 1 लाखाचा छोटा टेम्पो जप्त केला. यानंतर शाहुपुरी पोलीस ठाण्यात कॉपी राईट कायदा, ट्रेड मार्क कायदा याप्रमाणे गुन्हा दाखल करण्यात आला. त्यानंतर उर्वरित संशयितांना अटक केली. पुढील तपास पोलीस उपनिरीक्षक संजय ढमाळ करीत आहेत.

सातारा जिल्हा पोलीसप्रमुख तुषार दोशी, अपर अधीक्षक वैशाली कडुकर, उपविभागीय अधिकारी राजीक नवले, निरीक्षक सचिन म्हेत्रे यांच्या मार्गदर्शनाखाली गुन्हे प्रकटीकरणचे पोलीस अधिकारी ढेरे, उपनिरीक्षक ढमाळ व अंमलदार सुरेश घोडके, मनोज मदने, नीलेश काटकर, जोतिराम पवार, महेश बनकर, अभय साबळे, सचिन पवार, स्वप्नील सावंत, स्वप्नील पवार, सुमित मोरे, संग्राम फडतरे, रोहित बाजारे, जयवंत घोरपडे यांनी ही कारवाई केली.

चालकाच्या चौकशीनंतर उर्वरित संशयित ताब्यात

चालकाकडे चौकशी केल्यानंतर 6 आरोपींना अटक करण्यात आली. त्यांच्याकडून रेवडी (ता. कोरेगाव), फलटण व वडूज (ता. खटाव) येथील कारखान्यातून एकूण 12 लाख 59 हजार 370 रुपयांचे बायर कंपनीचे बनावट राउन्डअप औषधे व चारचाकी वाहन जप्त करण्यात आलेली आहे.