Why Junk food is Harmful – जंक फूड खाण्याचे हे आहेत आरोग्यासाठी धोके, वाचा

सध्या आपल्या आहारामध्ये जंक फूड हा एक परवलीचा शब्द बनलेला आहे. एकूणच काय तर पिज्जा, बर्गर तत्सम जंक फूड हाच आपला परिपूर्ण आहार झालेला आहे. या आहारामुळे आपल्या शरीराला फायद्याऐवजी तोटाच होतो. असे खाद्यपदार्थ आणि पेये आरोग्याला हानी पोहोचवण्यासोबतच अनेक आजारांचे कारण बनतात. म्हणून काही खाद्यपदार्थांचे सेवन आरोग्यासाठी हानिकारक आहे.

जंक फूडमुळे आपल्या शरीरात अधिकांश प्रमाणात चरबी जमा होते. ही चरबी यकृतामध्ये जमा होण्यास सुरुवात होते त्यामुळेच फॅटी लिव्हर होते. तसेच जंक फूडमध्ये साखरेचे प्रमाण अधिक असल्यामुळे, यकृतातील ग्लुकोजचे फॅटमध्ये रुपांतर होते हेच फॅटी लिव्हरचे प्रमुख कारण आहे.

 
जंक फूडचे दुष्परिणाम काय आहेत?

• लठ्ठपणा
  जंक फूडचा हा एक मुख्य दुष्परिणाम आहे. जंक फूडच्या वरचेवर सेवनामुळे, लठ्ठपणा वाढण्यास मदत होते. यामुळे हृदयरोग, स्नायूंचे विकार, मधुमेह, पित्ताशयातील खडे, श्वास घेण्यास त्रास, गर्भधारणेदरम्यान समस्या इत्यादी अनेक आजारांचे मूळ कारण लठ्ठपणा आहे.

• मधुमेह
  जंक फूड देखील टाइप 2 मधुमेहासाठी जबाबदार आहे. साखरेचे वारंवार सेवन हे मधुमेहाचे एक कारण आहे आणि जंक फूडमध्ये साखर आणि खराब कोलेस्ट्रॉल असते. मधुमेहामुळे आरोग्याशी संबंधित इतर अनेक समस्या निर्माण होतात.
• कर्करोग
  जंक फूड मध्ये खूप रसायने असल्यामुळे, कर्करोग होण्याचा धोका असतो. जंक फूडमुळे पोट, कोलेस्ट्राॅल, श्वसन इत्यादी कर्करोग होण्याचा धोका जास्त असतो. जंक फूडमध्ये बरीच रसायने असतात जी शरीरात कर्करोगासाठी अधिक अनुकूल परिस्थिती निर्माण करू शकतात.

• हृदयाचे आजार
  जंक फूडमध्ये जास्त प्रमाणात कोलेस्ट्रॉल असते. त्यामुळे अधिक प्रमाणात जंक फूड खाणे हे हृदयरोगाला कारणीभूत ठरते. जंक फूडमध्ये चरबी, साखर आणि हृदयावर परिणाम करणारी रसायने देखील जास्त असतात.
• पचनाचे आजार
  कॅलरीज, कार्ब्स आणि साखरेचे प्रमाण जास्त असलेले अन्न शरीराच्या पचन प्रक्रियेवर जास्त ताण आणू शकते.

रोज सुका मेवा खाणे गरजेचे आहे का? वाचा