मराठी भाषिक महाराष्ट्रात राज्य सरकारने इयत्ता पहिलीपासूनच विद्यार्थ्यांवर हिंदी भाषेची जुलमी भाषा सक्ती लादली होती. याविरोधात शिवसेना पक्षप्रमुख उद्धव ठाकरे आणि मनसे अध्यक्ष राज ठाकरे यांनी सरकारच्या या जुलमी निर्णयाविरोधात एल्गार पुकारला होता. शिवसेना मनसेने पुकारलेल्या या एकत्रित एल्गाराचा महाराष्ट्र सरकारने धसका घेतला आणि विद्यार्थ्यांवर लादलेली भाषा सक्ती मागे घेतली. त्यामुळे शिवसेना मनसेने मंडणगड तालुक्यात सोमवारी जोरदार घोषणाबाजी करत, फटाके फोडत मोठा जल्लोष साजरा केला.
मंडणगड शिवसेना तालुका संघटक जितेंद्र दवंडे तसेच मनसेचे तालुका अध्यक्ष नवज्योत गौड यांच्या प्रमुख मार्गदर्शनाखाली मंडणगड शहरातील छत्रपती शिवाजी महाराज चौकात शिवसेना आणि मनसे कार्यकर्ते एकत्र आले. यावेळी मिठाई वाटप करून आनंदोत्सव साजरा केला. यावेळी मंडणगड शहरातील नूतन विद्यामंदिर शाळेतील विद्यार्थ्यांना हिंदी सक्तीतून मुक्त झाल्याच्या निमित्ताने मिठाई वाटप करण्यात आले. महाराष्ट्रात यापुढे ठाकरे ब्रँडच चालणार असल्याची ही नांदी असल्याने यावेळी ठाकरे बंधूंच्या विजयाच्या घोषणा देण्यात आल्या. लवकरच दोन्ही ठाकरे बंधू एकत्र येऊन मराठी अस्मिता जागृत करतील अशी आशा देखील व्यक्त करण्यात आली.
यावेळी शिवसेना मंडणगड तालुका संघटक जितेंद्र दवंडे, उपतालुका प्रमुख रघुनाथ पोस्टुरे, मंगेश दळवी, युवासेना तालुका अधिकारी विश्वनाथ टक्के, जेष्ठ शिवसैनिक मारुती कुळे, युवासेना उपतालुका अधिकारी उमेश घागरूम, विभाग प्रमुख आत्माराम म्हापदी, उपविभाग प्रमुख कलंदर मुंगरूसकर, मंडणगड शहरप्रमुख दशरथ सापटे, युवासेना शहर अधिकारी समीर कदम, समीर मुल्ला, शिवसेना महिला शहर संघटिका लक्ष्मी भुईया राणे, जेष्ठ शिवसैनिक मोहन दळवी, माजी सरपंच दिपक बोर्ले, प्रसाद यादव, विजय पंदीरकर, सुभाष पालशेतकर, अभय पिचुर्ले, उदय जाधव, किशोर महाडिक, वसंत अबगूल तसेच मनसेचे तालुकाध्यक्ष नवज्योत गौड, उपतालुकाध्यक्ष मुस्तकिम कारविनकर आदींसह शिवसैनिक तसेच मनसे पदाधिकारी व कार्यकर्ते मोठ्या संख्येने उपस्थित होते.
Comment List