Ratnagiri News – रत्नदुर्ग किल्ल्यावरून पडलेल्या तरूणीचा शोध सुरू, पोलिसांकडून वसतिगृहात चौकशी

रत्नदुर्ग किल्ल्यावरून एक तरूणी खाली पडल्याची घटना रविवारी घडली होती. अद्यापही त्या तरूणीचा शोध लागलेला नाही. रत्नागिरीतील काही वसतिगृहात जाऊन पोलिसांनी शोध घेतला. मात्र अजून त्या तरुणीची माहिती मिळालेली नाही.

रविवारी दुपारी 12 वाजता एक तरुणी रत्नदुर्ग किल्ल्यावरील रेलिंगच्या पलीकडे जाऊन बसली होती. त्या किल्ल्यावरून ती खाली समुद्रात पडली. त्या तरूणीचे जॅकेट, ओढणी आणि चप्पला रेलिंगजवळ सापडल्या होत्या. समुद्र खवळलेला असल्याने शोध मोहिमेला अडथळा निर्माण झाला. त्या तरूणीचा शोध घेण्यासाठी एनडीआरएफचे पथक बोलावण्यात आले होते. आजही पोलीस शोध घेत होते. महिला पोलिसांनी आसपासच्या वसतिगृहात जाऊन शोध घेतला मात्र अद्याप त्या तरुणीची माहिती मिळाली नाही.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.