Sindhudurg News – घरासमोर फेरफटका मारताना अचानक महिला बेपत्ता, दुसऱ्या दिवशी खाडीत मृतावस्थेत आढळली

देवगडमध्ये एक धक्कादायक घटना समोर आली आहे. घरासमोर फेरफटका मारता मारता एक अपंग महिला अचानक बेपत्ता झाली. यानंतर दुसऱ्या दिवशी सकाळी खाडीच्या पाण्यात महिलेचा मृतदेह आढळून आला. रेश्मा चंद्रकांत सावंत असे मयत महिलेचे नाव आहे. याप्रकरणी देवगड पोलीस ठाण्यात अकस्मात मृत्यूची नोंद करण्यात आली आहे.

देवगड तालुक्यातील पावणाई धुरीवाडी येथील रेश्मा सावंत या रविवारी सकाळी घरासमोर फेरफटका मारत होत्या. काही वेळात त्या बेपत्ता झाल्या. सोमवारी सकाळी मोंड वानिवडे येथील खाडीच्या पाण्यात मयत स्थितीत आढळून आल्या. याप्रकरणी रेश्मा यांचे भाऊ प्रकाश सावंत यांनी दिलेल्या फिर्यादीवरून देवगड पोलिसांनी मृत्यूची नोंद करत पुढील तपास सुरू केला आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.