शेवग्याची शेंग आपल्या आरोग्यासाठी खूप फायदेशीर आहे. त्यात असे अनेक पोषक घटक असतात जे चांगले आरोग्य राखण्यास मदत करतात. म्हणून शेवग्याची शेंग सुपरफूड मानली जाते. तर शेवग्याच्या शेंगप्रमाणेच या वनस्पतीची पाने देखील आपल्या आरोग्यासाठी खूप आरोग्यवर्धक आहे. तुम्ही दररोज सकाळी रिकाम्या पोटी शेवग्याच्या पानांचे पाणी प्यायल्यास तुमच्यासाठी फायदेशीर ठरू शकते.
शेवग्याचे पाणी आरोग्यासाठी अनेक प्रकारे फायदेशीर ठरू शकते. खरं तर, त्यात व्हिटॅमिन-ए, सी, कॅल्शियम, पोटॅशियम आणि लोह यांसारखे आवश्यक जीवनसत्त्वे आणि खनिजे मुबलक प्रमाणात आढळतात. ते प्रथिने आणि अँटी-ऑक्सिडंट्सचा देखील एक उत्कृष्ट स्रोत आहे. दररोज सकाळी रिकाम्या पोटी शेवग्याच्या पानांचे पाणी प्यायल्याने कोणते आरोग्य फायदे मिळू शकतात ते आपण आजच्या लेखात जाणून घेऊयात.
शेवग्याच्या पानांचे पाणी पिण्याचे फायदे
शरीरात ऊर्जेची पातळी वाढवते- शेवग्याच्या पानांपासून तयार केलेल्या पाण्यात लोह आणि जीवनसत्त्वे शरीरातील रक्ताची कमतरता दूर करण्यास मदत करतात. ज्यामुळे थकवा कमी होतो आणि उर्जेची पातळी वाढते. सकाळी हे पाणी प्यायल्याने तुम्ही दिवसभर ऊर्जावान राहता.
पचनसंस्था मजबूत करते- शेवग्याच्या पानांचे पाणी पचनसंस्था निरोगी ठेवण्यात महत्त्वाची भूमिका बजावतात. त्यात असलेले अँटी-बॅक्टेरियल गुणधर्म पोटातील हानिकारक बॅक्टेरिया नष्ट करतात, तर त्यातील फायबर बद्धकोष्ठतेच्या समस्येपासून मुक्त होऊन पोट स्वच्छ ठेवते.
वजन कमी करण्यास उपयुक्त – कमी कॅलरीज आणि उच्च पोषण असलेले हे पेय वजन कमी करण्यास खूप प्रभावी ठरू शकते. याच्या सेवनाने चयापचय वाढवते, शरीरातील अतिरिक्त फॅट कमी करण्यास मदत होते आणि प्यायल्यानंतर बराच काळ पोट भरलेले राहते.
रोगप्रतिकारक शक्ती मजबूत करते- शेवग्याच्या पानांमध्ये व्हिटॅमिन सी आणि इतर अँटी-ऑक्सिडंट्स भरपूर असतात , जे रोगप्रतिकारक शक्ती मजबूत करण्यास मदत करतात. शेवग्याच्या पानांचे पाणी नियमितपणे प्यायल्याने सर्दी आणि खोकला सारख्या संसर्गाचा धोका कमी होतो.
रक्तातील साखर आणि कोलेस्टेरॉल नियंत्रित करा – शेवगा रक्तातील साखरेची पातळी कमी करण्यास प्रभावी ठरू शकते. तसेच कोलेस्टेरॉलची पातळी देखील नियंत्रित ठेवते, त्याचबरोबर तुमचे हृदय निरोगी राहते आणि हृदयरोगांचा धोका कमी उद्भवतो.
त्वचा आणि केसांसाठी वरदान- शेवग्याच्या पानांमध्ये असलेले अँटीऑक्सिडंट आणि अँटी-इंफ्लेमेटरी गुणधर्म त्वचेची चमक वाढवतात, मुरुमांपासून बचाव करतात आणि वृद्धत्वाची लक्षणे कमी करतात. तसेच यामध्ये असलेले पोषक घटक केसांना मजबूत करतात आणि केस गळण्याची समस्या कमी करतात.
शरीरातील जळजळ कमी करते- शेवग्याच्या पानांमध्ये दाहक-विरोधी गुणधर्म असतात. त्यामुळे या पानांचे पाणी प्यायल्यास संधिवातासारख्या दाहक आजारांमध्ये वेदना आणि सूज कमी करण्यास उपयुक्त ठरू शकते.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
ब्रिटनच्या गृहमंत्रीपदी पाकिस्तानी वंशाच्या शबाना मेहमूद यांची नियुक्ती करण्यात आली आहे. कीर स्टार्मर यांनी केलेल्या मंत्रिमंडळ बदलात शबाना यांना स्थान...
Comment List