पंतप्रधान उपस्थित असतील तरच सर्व पक्षांनी सर्वपक्षीय बैठकीत सहभागी व्हावं – कपिल सिब्बल

हिंदुस्थान आणि पाकिस्तानमध्ये शस्त्रसंधी झाल्यानंतर राज्यसभा खासदार कपिल सिब्बल यांनी रविवारी सर्वपक्षीय बैठक बोलावण्याची मागणी केली. पण पंतप्रधान नरेंद्र मोदी स्वतः या बैठकीला उपस्थित राहतील, असे आश्वासन सरकार देत नाही तोपर्यंत त्यांनी राजकीय पक्षांना त्यात सहभागी होऊ नये, असं आवाहन त्यांनी राजकीय पक्षांना केले आहेत.

कपिल सिब्बल म्हणाले आहेत की, “आज मनमोहन सिंग पंतप्रधान असते तर ते सर्वपक्षीय बैठकीला उपस्थित राहिले असते आणि विशेष अधिवेशनही बोलावले असते.” सिब्बल म्हणाले आहेत की, “आज आम्ही कोणतीही टीका करणार नाही. कारण ही टीका करण्याची वेळ नाही. आम्हाला फक्त संसदेचे विशेष अधिवेशन आणि सर्वपक्षीय बैठक बोलावायची आहे. मी सर्व राजकीय पक्षांना आवाहन करू इच्छितो की जोपर्यंत सरकार पंतप्रधानांनाही बैठकीत उपस्थित राहण्याची हमी देत नाही, तोपर्यंत त्यांनी बैठकीला उपस्थित राहू नये.”

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.