माकडाची दुचाकीवर झडप अपघातात पती ठार; पत्नी जखमी

दुचाकीवरून पडून डोक्याला मार लागल्याने चालकाचा मृत्यू झाला, तर महिला जखमी झाल्याची घटना महाबळेश्वर तालुक्यातील तापोळा रस्त्यावर चिखली परिसरात घडली, तर खाद्याच्या शोधात असलेल्या माकडाने दुचाकीवर झडप घातल्याने हा अपघात झाल्याची प्राथमिक माहिती समोर आली आहे.

आनंद जाधव (वय 50, रा. देवळी) असे मयताचे नाव आहे. आनंद जाधव हे गुरुवारी – सायंकाळी महाबळेश्वर शहरातून आपली कामे उरकून पत्नीसमवेत दुचाकीवरून देवळी या आपल्या गावाकडे निघाले होते. तापोळा मुख्य रस्त्यावर चिखली परिसरात दुचाकीवर माकडाने झडप मारल्याने त्यांचा दुचाकीस्वराचा ताबा सुटून ते खाली पडले. यामध्ये त्यांच्या डोक्याला गंभीर दुखापत झाली. आजूबाजूच्या नागरिकांनी त्यांना उपचारासाठी महाबळेश्वर ग्रामीण रुग्णालयात दाखल केले; परंतु उपचारापूर्वीच वैद्यकीय अधिकाऱ्यांनी त्यांना मयत घोषित केले. त्यांच्या पत्नीवर उपचार सुरू आहेत. या घटनेची रात्री उशिरा महाबळेश्वर तालुका पोलीस ठाण्यात नोंद झाली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.