‘जेन-झी’च्या अभूतपूर्व क्रांतीनंतर नेपाळमध्ये अंतरिम सरकार अस्तित्वात आले आहे. सर्वोच्च न्यायालयाच्या माजी सरन्यायधीश सुशीला कार्की यांनी अंतरिम पंतप्रधानपदाची शपथ घेतली. कार्की या नेपाळच्या पहिल्या महिला पंतप्रधान आहेत. दरम्यान, राष्ट्रपती रामचंद्र पौडेल यांनी संसद बरखास्त केली आहे.
गेल्या चार दिवसांत नेपाळमध्ये अनेक राजकीय उलथापालथ झाली. ‘जेन-झी’ने के. पी. शर्मा ओली यांची सत्ता उलथून टाकली. ओली अज्ञातस्थळी पळून गेला. संसद भवन, सर्वोच्च न्यायालयापासून अनेक सरकारी इमारतींना आगी लावण्यात आल्या. या हिंसक आंदोलनात 20वर लोकांचा बळी गेला. नेपाळमध्ये अंतरिम सरकार स्थापन करण्याच्या हालचाली दोन दिवसांपासून सुरू होत्या. राष्ट्रपती रामचंद्र पौडेल, लष्करातील अधिकारी आणि ‘जेन-झी’चे प्रतिनिधी यांच्यात अनेकदा चर्चांच्या फेऱ्या झाल्या. सुरुवातीला काठमांडूचे महापौर बालेन शाह यांच्या नावाची चर्चा होती. मात्र, शुक्रवारी सायंकाळी संसद बरखास्त करावी आणि स्वच्छ प्रतिमा असलेल्या सुशीला काकाa यांची पंतप्रधानपदी नियुक्ती करावी, यावर एकमत झाले. शुक्रवारी रात्री नऊच्या सुमारास राष्ट्रपती भवनात कार्की यांना अंतरिम पंतप्रधानपदाची शपथ देण्यात आली. यावेळी राष्ट्रपती भवन परिसरात लष्करी जवान तैनात करण्यात आले होते.
तिघांना मंत्रिपदाची शपथ; सरकारमध्ये ‘जेन-झी’चा समावेश नाही
राष्ट्रपती भवनात पार पडलेल्या शपथविधीवेळी कुलगाम जिसिंग, ओम प्रकाश अर्याल आणि बालानंद शर्मा या तिघांना मंत्रिपदाची शपथ दिली. या अंतरिम सरकारच्या मंत्रिमंडळामध्ये ‘जेन-झी’ निदर्शकांचा कोणताही नेता समाविष्ट झालेला नाही.
.jpeg)
.jpeg)
Comment List