HDFC बँक बोनस शेअर; 19 जुलैला महत्त्वाचा निर्णय होण्याची शक्यता, गुंतवणूकदारांना मिळणार गिफ्ट

HDFC बँक आपल्या गुंतवणूकदारांना बोनस शेअर देण्याच्या तयारीत आहे. त्याबाबत 19 जुलै रोजी होणाऱ्या बोर्ड बैठकीत महत्त्वाचा निर्णय होण्याची शक्यता आहे. मार्केट कॅपच्या बाबतीत देशातील सर्वात मोठी बँक बोनस शेअर्स वितरित करण्याची ही पहिलीच घटना असेल, त्यामुळे गुतंवणूकदारांमध्ये उत्सुकता आहे. बँकेने बोर्डाच्या मंजुरीनंतर निर्णय घेतला तर या बँकेचा समावेश बीएसई 500 कंपन्यांमध्ये समाविष्ट असलेल्या अशा सर्व कंपन्यांच्या यादीत होईल, ज्यांनी या वर्षी बोनस शेअर देण्याची घोषणा केली आहे.

एचडीएफसी बँकेने एक्सचेंज फाइलिंगमध्ये म्हटले आहे की, बँक बोर्ड बैठकीच्या त्याच दिवशी पहिल्या तिमाहीचे निकाल देखील जाहीर करेल आणि आर्थिक वर्ष 26 साठी अंतरिम लाभांश देण्याचा विचार करत आहे. बोर्ड बैठकीत मंजुरी मिळाल्यानंतर बोनस शेअर-लाभांश जाहीर केला जाऊ शकतो. बोनस शेअर्स विद्यमान भागधारकांना निश्चित प्रमाणात दिले जातात.

बोनस शेअर देणाऱ्या कंपन्यांमध्ये या यादीत मद्रासन सुमी वायरिंग इंडिया, संवर्धन मद्रासन इंटरनॅशनल, अशोक लेलँड, कंटेनर कॉर्पोरेशन ऑफ इंडिया, बजाज फायनान्स, आनंद राठी वेल्थ लिमिटेड, आयजीएल आणि गरवारे टेक्निकल फायबर्स यासारख्या कंपन्यांची नावे आहेत. एचडीएफसी बँक 2:1 बोनस रेशो जाहीर करते, तर याचा अर्थ असा होईल की बँकेत आधीच एक शेअर असलेल्या एचडीएफसी बँकेच्या गुंतवणूकदारांना दोन नवीन अतिरिक्त शेअर्स मिळतील त्याचप्रमाणे. जर हे प्रमाण 3:1 असेल तर एका शेअरवर तीन अतिरिक्त शेअर्स दिले जातील. म्हणजे, एका शेअरवरही, स्टॉक होल्डिंग चार शेअर्सचे असेल. त्यासाठी गुंतवणूकदारांना कोणतेही पैसे खर्च करावे लागणार नाहीत. त्यामुळे गुंतवणूकदारांचा फायदा होणार आहे.

बोनस इश्यूमुळे एचडीएफसी बँकेच्या थकबाकी असलेल्या इक्विटी स्टॉकची संख्या वाढेल. तर फ्री रिझर्व्ह आणि सरप्लस कमी होईल आणि त्यासोबतच त्याचा शेअर रेशो आणि प्रति शेअर कमाई (ईपीएस) देखील कमी होईल. अशा परिस्थितीत, त्याच्या स्टॉक मूल्यात घट दिसून येते. याबाबतचे वृत्त आल्यानंतर बुधवारी एचडीएफसी बँकेचा शेअरमध्ये तेजी दिसून आली. बँकेचा शेअर 2018 रुपयांवर उघडला आणि नंतर 2022.70 रुपयांच्या पातळीवर गेला.

मुकेश अंबानी यांच्या नेतृत्वाखालील रिलायन्स इंडस्ट्रीजनंतर देशातील सर्वात मौल्यवान कंपन्यांच्या यादीत एचडीएफसी बँक दुसऱ्या स्थानावर आहे. या वर्षी बँकेने टाटा समूहाच्या आयटी कंपनी टीसीएसला मागे टाकून हे स्थान मिळवले आहे आणि त्यावर आपले वर्चस्व कायम ठेवत आहे. आठवड्याच्या तिसऱ्या दिवशी बाजारात झालेल्या व्यवहारादरम्यान एचडीएफसी बँकेचे मार्केट कॅप 15.35 लाख कोटी रुपयांच्या पातळीवर पोहोचले.