डोंबिवलीच्या तुंबापुरीत शिवसैनिकाचे ‘स्विमिंग आंदोलन’, एमआयडीसीतील रस्त्यांचे खड्ड्यांमुळे झाले तलाव

खड्ड्यांमुळे डोंबिवली एमआयडीसीतील रस्त्यांची चाळण झाली आहे. एमआयडीसीचे अधिकारी आणि ठेकेदारांच्या भोंगळ कारभारामुळे रस्त्यांची दुर्दशा झाल्याचा संताप व्यक्त करत शिवसेना (उद्धव बाळासाहेब ठाकरे) पक्षाचे पदाधिकारी आणि 27 गाव संघर्ष समितीचे उपाध्यक्ष सत्यवान म्हात्रे यांनी आज रस्त्यात साचलेल्या पाण्यात ‘स्विमिंग आंदोलन’ केले.

के. व्ही. पेंढारकर कॉलेजसमोरील काँक्रीट रस्त्यावर गेल्या दोन वर्षांपासून पावसाचे पाणी साचत आहे. रस्त्याच्या दोन्ही बाजूला गटार नसल्यामुळे हे पाणी साचून कायमस्वरूपी तळे तयार झाले आहे. घाण आणि दुर्गंधीमुळे नागरिकांना मोठ्या त्रासाला सामोरे जावे लागत आहे. ठेकेदाराने रस्त्याचे निकृष्ट काम केल्याचा आरोप नागरिकांनी अनेकदा केला. मात्र एमआयडीसी प्रशासनाने याकडे दुर्लक्ष केले. त्यामुळे भ्रष्ट कारभाराकडे लक्ष वेधण्यासाठी सत्यवान म्हात्रे यांनी आज साचलेल्या घाण पाण्यात स्विमिंग आंदोलन केले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.