नालासोपाऱ्यात पोलीस स्टेशनमध्येच ढिश्युम ढिश्युम, दोन गटात तुफान राडा

नेहमी चर्चेत असलेल्या नालासोपाऱ्यात तुळींज पोलीस ठाण्यात दोन गटात जोरदार हाणामारी झाल्याची घटना घडली आहे. या घटनेने पोलिसांवरील धाक संपल्याचा प्रश्न उभा राहत असून या घटनेचा व्हिडिओ सोशल मीडियावर व्हायरल झाला आहे.

नालासोपारातील तुळींज पोलीस ठाण्यात तक्रार दाखल करण्यासाठी आलेल्या दोन गटात तुफान हाणामारी झाल्याची घटना घडली आहे. या घटनेचा व्हिडिओ सध्या सोशल मीडियावर तुफान व्हायरल होत आहे. दरम्यान पोलिसांचा पोलीस ठाण्यात देखील धाक राहिला नाही का? असा प्रश्न उपस्थित केला जात आहे. नालासोपारा मधील तुळींज पोलीस ठाण्यात अंमलदार कक्षामध्ये तक्रार दाखल करण्यासाठी आलेल्या दोन गटात मंगळवारी फ्री स्टाईल हाणामारी झाली. ही हाणामारी चक्क पोलसांसमोरच झाली. या दरम्यान पोलिसांनी मध्यस्थी करत दोन्ही गटाला बाजूला केले. जर पोलीस ठाण्यातच असे दोन गट आपापसात भिडत असतील तर पोलिसांचा धाक राहिला नाही का ? असा सवाल आता उपस्थित होऊ लागला आहे. मात्र हे भांडण का? व कोण? करत होते याचे कारण अद्यापही समोर आलेले नाही.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.