विमानतळावरून हायड्रोपोनिक गांजा जप्त

सीमा शुल्क विभागाने छत्रपती शिवाजी महाराज आंतरराष्ट्रीय विमानतळावर कारवाई करून साडेबारा कोटींचा हायड्रोपोनिक गांजा जप्त केला. गांजाची तस्करी करणाऱया प्रवाशाला सीमा शुल्क विभागाने अटक केली. त्याला न्यायालयीन कोठडी सुनावली आहे.

मंगळवारी कौलालापूरहून एक प्रवासी विमानाने छत्रपती शिवाजी महाराज आंतरराष्ट्रीय विमानतळावर आला. तो विमानतळावरून घाईघाईत बाहेर जात होता. हा प्रकार सीमा शुल्क विभागाच्या अधिकाऱयाच्या लक्षात आला. त्यानंतर त्या प्रवाशाला थांबवले. त्याच्या बॅगेची तपासणी केली.

त्या बॅगेत 12 किलो 260 ग्रॅम वजनाचा गांजा आढळून आला. जप्त केलेल्या गांजाची किंमत सुमारे 12 कोटी 26 लाख रुपये इतकी आहे. गांजा तस्करीप्रकरणी त्या प्रवाशाविरोधात एनडीपीएस कायद्यानुसार गुन्हा नोंद करून त्याला अटक केली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.