वाहतुकीच्या नियमांचे पालन झालेच पाहिजे. नियमांचे उल्लंघन करणारा माझा नातेवाईक असला तरी त्याला टायरमध्ये घालून झोडायला सांगणार आहे, असा इशारा उपमुख्यमंत्री अजित पवार यांनी बारामतीत बोलताना दिला आहे.
अजित पवार यांच्या हस्ते शनिवारी बारामती येथील सावित्री हॉस्पिटलचे उद्घाटन झाले. यावेळी त्यांनी हुल्लडबाजी करणाऱयांना कठोर शब्दांत इशारा दिला. मोटरसायकलवाले इकडे तिकडे बघतात आणि हळूच ओव्हरटेक करून किंवा राँग साईडने दुसरीकडे जाण्याचा प्रयत्न करतात. असे कुणी सापडले तर तो कितीही मोठय़ा बापाचा असला तरी त्याला टायरमध्ये घालून झोडायला सांगणार आहे. त्याला दहा पिढ्या आठवल्या पाहिजेत, अजिबात कोणी नियम मोडू नका. मग तो अजित पवार असो किंवा अजित पवारचा कोणी नातेवाईक असो. सगळय़ांना इथे नियम सारखे आहेत,’ असे अजित पवार यांनी म्हटले. शहरातील मोकाट जनावरांवरूनही त्यांनी भाष्य केले. मी बारामती चांगली करतो, ती काय सर्वांना कसेही फिरण्यासाठी नाही,’ असेही त्यांनी ठणकावले.
.jpeg)
Comment List