IPL 2025 ची फायनल कुठे होणार? क्लालिफायर सामन्यांची तारीखही BCCI कडून जाहीर

हिंदुस्थान-पाकिस्तान यांच्यातील युद्धजन्य परिस्थितीमुळे आयपीएल आठ दिवसांसाठी स्थगित करण्यात आली होती. साहजिकच त्याचा परिणाम आयपीएलच्या वेळापत्रकावर झाला. 25 मे रोजी अंतिम सामना खेळला जाणार होता. परंतु आठ दिवस स्पर्धा थांबल्यामुळे या तारखेत बदल करण्यात आला आहे. मंगळवारी (20 मे 2025) BCCI ची बैठक पार पडली असून यामध्ये पहिला क्वालिफायर सामना, एलिमिनेटर आणि अंतिम सामन्याच्या तारखा घोषित करण्यात आल्या आहेत.

BCCI ने दिलेल्या माहितीनुसार, आयपीएलचा पहिला क्वालिफायर सामना 29 मे रोजी खेळला जाणार आहे. तसेच एलिमिनेटर सामना 30 मे रोजी खेळला जाईल. हे दोन्ही सामने न्यू चंदीगडच्या मुल्लानपूरमध्ये खेळवले जाण्याची शक्यता आहे. सामने कोणत्या स्टेडियमवर खेळले जाणार हे पावसावर अवलंबून असल्यामुळे अद्याप त्याची घोषणा करण्यात आलेली नाही. तर, आयपीएल 2025 च्या फायनलचा थरार अहमदाबादच्या नरेंद्र मोदी स्टेडियमवर 3 जून रोजी रंगणार आहे. क्रिकबझने यासंदर्भात वृत्त दिले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.