इचलकरंजीहून उज्जैनला देवदर्शनासाठी निघालेल्या भाविकांच्या ट्रव्हलर मिनी बसला सातारा जिह्यात आज पहाटे झालेल्या भीषण अपघातात 2 ठार, तर 8 जखमी झाले. सातारा-लोणंद मार्गावर सालपे गावाजवळ मध्यरात्री अडीचच्या सुमारास या भरधाव मिनीबसची मालट्रकशी टक्कर होऊन हा अपघात झाला.
मिनीबस चालक सलमान इम्तियाज सय्यद (24, रा. पाटील गल्ली, गणेशनगर, शिरढोण, ता. शिरोळ, जि. कोल्हापूर) व रजनी संजय दुर्गुळे (48, रा. पेठ वडगाव, ता. हातकलंगले, जि. कोल्हापूर) अशी मृतांची नावे आहेत.
इचलकरंजी येथील ट्रव्हलर मिनीबसमधून भाविक महिला उज्जैन येथे देवदर्शनास निघाल्या होत्या. ही बस रविवारी मध्यरात्री अडीचच्या सुमारास सातारा जिह्यातील वाठार स्टेशनमार्गे सालपे घाट उतरून लोणंदच्या दिशेने जात होती. त्याचवेळी लोणंदकडून साताराकडे येत असलेला ट्रक सालपे गावाजवळील एका वळणावर समोर आला. दोन्ही वाहनांची धडक होऊन हा भीषण अपघात झाला.
सालपे ग्रामस्थांनी तत्काळ घटनास्थळी धाव घेऊन भाविकांना मदत केली. अपघातानंतर घटनास्थळी रक्ताचा सडा पडला होता. या अपघातात मिनी बसचे मोठय़ा प्रमाणावर नुकसान झाले. अपघाताची माहिती मिळताच लोणंद पोलीस ठाण्याचे अधिकारी व कर्मचाऱयांनी घटनास्थळी धाव घेऊन जखमींना उपचारासाठी सातारा येथील सिव्हिल हॉस्पिटलमध्ये पाठविले..
.jpeg)
Comment List