चंद्रपूरमध्ये वीज कोसळून एकाचा मृत्यू, तीन जण जखमी

चंद्रपूर जिल्ह्यात दुपारपासून ढगाळ वातावरण होते, हलक्या हलक्या सरी देखील कोसळत होत्या. त्यातच दुपारी साडेतीनच्या सुमारास चंद्रपूर शहरालगत असलेल्या मारडा गावात वीज कोसळून एकाचा मृत्यू, तर तीन जण जखमी झाल्याची दुर्दैवी घटना घडली. मारडा गावाजवळ पांदण रस्त्याचे काम सुरू असताना अचानक विजांच्या कडकडाटासह पाऊस सुरू झाला. यावेळी काम करणारे आनंदराव वायरे आणि त्यांचे तीन सहकारी जवळच उभ्या असलेल्या बंद ट्रॅक्टरखाली आश्रयासाठी थांबले. तेव्हाच ट्रॅक्टरवर वीज कोसळली. या घटनेत आनंदराव वायरे यांचा जागीच मृत्यू झाला असून अन्य तीन जण जखमी झाले आहेत. या घटनेमुळे गावात हळहळ व्यक्त होत आहे

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.