Income Tax Return भरण्याची मुदत वाढली, जाणून घ्या नवीन तारीख

आयकर विभागाकडून आयकरदात्यांना मोठा दिलासा मिळाला आहे. कर निर्धारण वर्ष 2025-26 साठी आयकर रिटर्न (ITR) भरण्याची शेवटची तारीख वाढविण्यात आली आहे. आर्थिक वर्ष 2025-26 साठी आयकर रिटर्न भरण्याची अंतिम तारीख 31 जुलै 2025 वरून वाढवून 15 सप्टेंबर 2025 करण्यात आली आहे. या निर्णयामुळे करदात्यांना रिटर्न भरण्यासाठी अतिरिक्त वेळ मिळणार आहे.

आयकर विभागाने ही मुदतवाढ विविध कारणांमुळे जाहीर केली आहे. यामध्ये आयकर रिटर्न फॉर्ममधील बदल, सिस्टम अपग्रेडेशन आणि टीडीएस क्रेडिटमधील त्रुटी यांचा समावेश आहे. या तांत्रिक आणि प्रशासकीय आव्हानांमुळे करदात्यांना रिटर्न दाखल करण्यासाठी पुरेसा वेळ मिळावा, यासाठी हा निर्णय घेण्यात आला आहे. याशिवाय आयकर फाइलिंग पोर्टलवर सध्या सिस्टम अपग्रेडचे काम सुरू आहे, ज्यामुळे करदात्यांना अचूक आणि सुगम रीतीने रिटर्न दाखल करता यावे, म्हणूनही मुदत वाढवण्यात आली आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.