अमेरिकेतील वॉशिंग्टन डीसीमध्ये दोन इस्रायली नागरिकांची हत्या करण्यात आली आहे. वॉशिंग्टन डीसीमधील ज्यू संग्रहालयाबाहेर भीषण गोळीबार झाला आहे. पोलिसांनी हल्लेखोराला अटक केली आहे. अटकेदरम्यान त्याने फ्री पॅलेस्टाइन अशा पॅलेस्टाईनच्या बाजूने घोषणा दिल्या. या प्रकरणी इस्रायली दूतावासाने प्रतिक्रिया दिली आहे. त्यांच्या मते, गोळीबारात दूतावासातील दोन अधिकाऱ्यांना आपला जीव गमवावा लागला.
बीएनओ या वृत्तसंस्थेने दिलेल्या वृत्तानुसार, वॉशिंग्टन डीसीमध्ये मोठ्या प्रमाणात गोळीबार झाला आहे. ही घटना रात्री 9.15 च्या सुमारास घडली. घटनेची माहिती मिळताच पोलीस तात्काळ घटनास्थळी पोहोचले. या हल्ल्यात एक पुरूष आणि एक महिला ठार झाल्याचे वृत्त आहे. हल्ल्यात मारले गेलेले दोन्हीही लोक इस्रायली राजदूत होते.
संयुक्त राष्ट्रांमधील इस्रायलचे राजदूत डॅनी डॅनन यांनी सोशल मीडिया प्लॅटफॉर्म X वर पोस्ट शेअर केली. “या प्राणघातक गोळीबारात इस्रायली दूतावासाचे कर्मचारी जखमी झाले आहेत,” असे त्यांनी लिहिले. डॅनी डॅनन यांनी याला “यहूदी-विरोधी दहशतवादाचे घृणास्पद कृत्य” म्हटले. या प्रकरणावर अॅटर्नी जनरल पामेला बोंडी यांनी प्रतिक्रिया दिली आहे. त्याने X वर एक पोस्ट शेअर करून आपले दुःख व्यक्त केले आहे.
“वॉशिंग्टनमधील कॅपिटल ज्यू म्युझियमजवळ इस्रायली दूतावासाच्या दोन कर्मचाऱ्यांना जवळून गोळ्या घालण्यात आल्या, असे वॉशिंग्टनमधील इस्रायली दूतावासाचे प्रवक्ते ताल नैम कोहेन यांनी X वर लिहिले. आम्हाला स्थानिक आणि संघीय स्तरावरील कायदा अंमलबजावणी अधिकाऱ्यांवर पूर्ण विश्वास आहे की ते संपूर्ण अमेरिकेतील इस्रायलच्या प्रतिनिधींचे आणि ज्यू समुदायांचे संरक्षण करतील.”
Comment List