अजितदादांच्या आमदारांची शेतकऱ्याला मारहाण

वीज समस्येबाबत प्रश्न विचारण्यासाठी गेलेल्या शेतकऱ्याला अजित पवार गटाचे आमदार डॉ. किरण लहामटे यांनी मारहाण केल्याचा व्हिडीओ व्हायरल झाला आहे. एकीकडे महायुतीचे सरकार ‘आम्ही शेतकऱ्यांना वाऱ्यावर सोडणार नाही,’ असे सांगत आहे, तर दुसरीकडे त्यांचेच आमदार समस्या विचारणाऱया शेतकऱ्यांना मारहाण करत असल्यामुळे प्रचंड संताप व्यक्त होत आहे. अकोले तालुक्यातील लिंगदेव येथील शेतकरी वाळिबा होलगीर यांना आमदार लहामटे यांनी मारहाण केली. सोमवारी घडलेल्या घटनेचा आज गावकऱयांनी जाहीर निषेध नोंदविला. तर, ‘जोपर्यंत आमदार माफी मागणार नाहीत, तोपर्यंत त्यांना गावात पाऊल ठेवू देणार नाही,’ असा इशारा दिला आहे. यावेळी सरपंच अमित घोलप, जालिंदर कानवडे, देवराम फापाळे, बबनराव सदगीर यांच्यासह मोठय़ा संख्येने ग्रामस्थ उपस्थित होते.

Tags: Politics पुणे Pune राजकीय

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.