जमिनीवर बसून जेवणे हा आपल्या हिंदुस्थानी संस्कृतीचा एक भाग मानला जातो. आता मात्र बहुतेक लोक जेवणाच्या टेबलवर बसून जेवतात. ही पद्धत निश्चितच सोयीस्कर आहे, परंतु तुम्हाला माहित आहे का की जमिनीवर बसून जेवल्याने शरीराला अनेक फायदे मिळतात. आहारतज्ज्ञांचे म्हणणे आहे की, जमिनीवर बसून जेवल्यामुळे पोटावर हलका दाब पडतो, यामुळे पचनक्रिया सुधारते. या आसनामुळे पोटाभोवतीचे स्नायू सक्रिय होतात, ज्यामुळे अन्न पचणे सोपे होते.
हिवाळ्यात खजूर खाण्याचे अगणित फायदे, वाचा
जमिनीवर बसून जेवताना आपल्या शरीराची ठेवण ही फार योग्यरीत्या असते. त्यामुळे पोटाची होणारी सौम्य हालचाल आतड्यांचे कार्य सुधारते. यामुळे गॅस आणि आम्लता सारख्या समस्या कमी होतात.
जमिनीवर बसल्याने पाठीचा कणा सरळ राहण्यास मदत होते आणि पाठीचे स्नायू बळकट होतात. या पोश्चरमुळे हळूहळू शरीर अधिक लवचिक होते. खुर्चीवर सतत बसल्याने पोश्चर बिघडते, तर जमिनीवर बसल्याने पोश्चर सुधारण्यास मदत होते.
उकडलेल्या चण्याचे पाणी पिण्याचे आरोग्यवर्धक फायदे
जमिनीवर बसून जेवल्याने तुम्हाला अन्नावर लक्ष केंद्रित करण्यास मदत होते. यामुळे जास्त खाण्याची शक्यता कमी होते.
आरोग्यात सकारात्मक बदल घडवायचे असतील तर दिवसातून किमान एकदा जमिनीवर बसून जेवण्याचा प्रयत्न करायलाच हवा.
Comment List