हिंदुस्थानच्या युवा ब्रिगेडचा कर्णधार शुभमन गिलने इंग्लंडच्या धर्तीवर आपल्या लयबद्ध फलंदाजीने सर्वांनाच आश्चर्याचा सुख:द धक्का दिला आहे. सध्या सुरू असलेल्या मँचेस्टर कसोटीमध्येही त्याने 103 धावांची शतकीये खेळी करत संघाचा डाव सावरण्याचा प्रयत्न केला. या मालिकेतील त्याचं हे ऐतिहासिक असं चौथ शतक ठरलं आहे. याबाबतीत त्याने कर्णधार म्हणून पहिल्याच मालिकेत सर्वाधिक शतके ठोकण्याचा विक्रम आपल्या नावावर केला असून सर डॉन ब्रॅडमन यांना गिलने मागे टाकलं आहे.
शुभमन गिलने चौथ्या कसोटीमध्ये दुसऱ्या डावात 238 चेंडूंचा सामना 12 चौकारांच्या मदतीने 103 धावांची खेळी केली. त्याला जोफ्रा आर्चरने बाद केलं. यशस्वी जयस्वाल आणि साई सुदर्शन भोपळाही फोडू शकले नाहीत. त्यामुळे केएल राहुल (90) आणि शुभमन गिल यांनी संघाची सर्व सुत्र आपल्या हाती घेत भक्कम भागी केली. या सामन्यातील आज शेवटचा दिवस असून सामना अनिर्णीत सुटण्याची शक्यता आहे. असे असले तरी शुभमन गिलने आपल्या खेळाची दखल साऱ्या जगाला घ्यायला लावली आहे. त्याची 103 धावांची खेळी ऐतिहासिक ठरली आहे. कर्णधार म्हणून संघाच नेतृत्व करताना अनेकांनी शतके ठोकली आहेत. परंत शुभमन गिलचा विषय थोडा वेगळा आहे. 148 वर्षांच्या क्रिकेटच्या इतिहासात कर्णधार म्हणून खेळत असताना पहिल्याच मालिकेत चार शतके ठोकणारा शुभमन गिल पहिलाच कर्णधार ठरला आहे.
WCL 2025 – आधीही खेळलो नाही, आताही खेळणार नाही.. INC Vs PNC सामन्यावर शिखर धवनच तडाखेबंद उत्तर
शुभमन गिलच्या पूर्वी कर्णधार म्हणून खेळत असताना पहिल्याच मालिकेत तीन शतके ठोकण्याचा विक्रम पाच खेळाडूंनी केला आहे. वॉर्विक आर्मस्ट्रँग, डॉन ब्रॅडमन, ग्रेग चॅपेल, विराट कोहली आणि स्टीव्ह स्मिथ या खेळाडूंनी कर्णधार म्हणून खेळत असताना पहिल्याच मालिकेत तीन शतके ठोकली आहेत. परंतु आता शुभमन गिल एकमेव असा कर्णधार ठरला आहे, ज्याने पहिल्याच मालिकेत चार शतके ठोकली आहेत. विशेष बाब म्हणजे मालिकेतील एक सामना अद्याप बाकी आहे. शुभमन गिलचा फॉर्म पाहता शतकांचा आकडा वाढण्याची शक्यता नाकारता येत नाही. त्याचबरोबर मँचेस्टरमध्ये तब्बल 34 वर्षानंतर एका हिंदुस्थानी फलंदाजाने शतक ठोकण्याची किमया साधली आहे. यापूर्वी 1991 साली सचिन तेंडुलकरने याच मैदानावर शतक ठोकले होते.
Comment List